ఇందాఁకా మా పని యిఁక నీ పని
(॥పల్లవి॥)
ఇందాఁకా మా పని యిఁక నీ పని
కందువాయ వలపులు కపట మేమున్నది
(॥ఇందా॥)
చేతులనె మొక్కు మొక్కి సెలవుల నవ్వు నవ్వి
ఆతలనె నిలుచున్న దదివో చెలి
కాతరాన యిఁకమీఁదఁ గలిగిన పనులు నీ
చేతి వింతె యిఁక నీతో చెప్పనేమివున్నది
(॥ఇందా॥)
కన్నులనె నిన్నుఁ జూచి కానుక నీ కంది యిచ్చి
అన్నిటా గుట్టున నున్న దదివో చెలి
సన్నలూను మీలోని సరసాలు నిటమీఁద
పన్నుకో నీవె నేర్తువు పలుక నే మున్నది
(॥ఇందా॥)
మచ్చిక నీకుఁ జేసి మనసు నీపైఁ బెట్టి
యిచ్చటఁ గాఁగిలించె నిదివో చెలి
అచ్చపు శ్రీవెంకటేశ అట్టె నీవు గూడితివి
యిచ్చకములు లిటమీఁద నిన్ని నెఱుఁగుదువు
(||pallavi||)
iṁdām̐kā mā pani yim̐ka nī pani
kaṁduvāya valabulu kabaḍa memunnadi
(||iṁdā||)
sedulanĕ mŏkku mŏkki sĕlavula navvu navvi
ādalanĕ nilusunna dadivo sĕli
kādarāna yim̐kamīm̐dam̐ galigina panulu nī
sedi viṁtĕ yim̐ka nīdo sĕppanemivunnadi
(||iṁdā||)
kannulanĕ ninnum̐ jūsi kānuga nī kaṁdi yichchi
anniḍā guṭṭuna nunna dadivo sĕli
sannalūnu mīloni sarasālu niḍamīm̐da
pannugo nīvĕ nerduvu paluga ne munnadi
(||iṁdā||)
machchiga nīgum̐ jesi manasu nībaim̐ bĕṭṭi
yichchaḍam̐ gām̐giliṁchĕ nidivo sĕli
achchabu śhrīvĕṁkaḍeśha aṭṭĕ nīvu gūḍidivi
yichchagamulu liḍamīm̐da ninni nĕṟum̐guduvu