ఇంద రెరిఁగినపని కిఁకఁ దప్పించుకోరాదు
(॥పల్లవి॥)
ఇంద రెరిఁగినపని కిఁకఁ దప్పించుకోరాదు
పొందుగాని మాయలఁ బొరలఁగ నేఁటికి
(॥ఇంద॥)
గతియై బ్రహ్మాండాలు కల్పించ నేరిచి
సుతులై బ్రహ్మాదులు చూపట్టఁగా
క్షితి వేదశాస్త్రాలచేతఁ బొగడించుకొంటా
నితరు లెరఁగకుండా నింత దాఁగనేఁటికి
(॥ఇంద॥)
వున్నత పరమపద మొసఁగ నీవు గర్తవై
అన్నిటా లక్ష్మీనాథుఁడవనఁ బెంపొంది
పన్నుక యిన్నివిద్యలాఁ బ్రసిద్ధుఁడై వుండి
కన్నులకుఁ బ్రత్యక్షముఁ గాకుండ నేఁటికి
(॥ఇంద॥)
సురల యాపదలెల్లా సులభాననె తీర్చి
పరగ ధర్మములెల్లాఁ బరిపాలించి
పరుషలకు వరాలు పలుమారుఁ గృపచేసి
మరిగి శ్రీవేంకటేశ మాటాడ వదేఁటికి
(||pallavi||)
iṁda rĕrim̐ginabani kim̐kam̐ dappiṁchugorādu
pŏṁdugāni māyalam̐ bŏralam̐ga nem̐ṭigi
(||iṁda||)
gadiyai brahmāṁḍālu kalbiṁcha nerisi
sudulai brahmādulu sūbaṭṭam̐gā
kṣhidi vedaśhāstrālasedam̐ bŏgaḍiṁchugŏṁṭā
nidaru lĕram̐gaguṁḍā niṁta dām̐ganem̐ṭigi
(||iṁda||)
vunnada paramabada mŏsam̐ga nīvu gardavai
anniḍā lakṣhmīnāthum̐ḍavanam̐ bĕṁpŏṁdi
pannuga yinnividyalām̐ brasiddhum̐ḍai vuṁḍi
kannulagum̐ bratyakṣhamum̐ gāguṁḍa nem̐ṭigi
(||iṁda||)
surala yābadalĕllā sulabhānanĕ tīrsi
paraga dharmamulĕllām̐ baribāliṁchi
paruṣhalagu varālu palumārum̐ gṛpasesi
marigi śhrīveṁkaḍeśha māḍāḍa vadem̐ṭigi