ఇల్లురికి వత్తురా యెవ్వరైన సవతులు
(॥పల్లవి॥)
ఇల్లురికి వత్తురా యెవ్వరైన సవతులు
మెల్లమెల్లన నీవు మేకులేల సేసేవే
(॥ఇల్లు॥)
వలపు పదను చూచి వడ్డించితి నేఁబతికి
కలయనేల పెట్టేవే కాంత నీవును
తొలుత నెసరువెట్టి తొయ్యలుల నేనంపితి
పిలువని పేరటము ప్రియమేల చల్లేవే
(॥ఇల్లు॥)
నవ్వులు దొంతివెట్టితి నడుమంత్రమున నీవు
కువ్వగానేల చూపేవే కూరాకుమోవి
పవ్వళించి యింటిలోన పళ్ళెము నేనె పెట్టితి
మువ్వంక అప్పటి నీవు ముగ్గులేల పెట్టేవే
(॥ఇల్లు॥)
శ్రీ వెంకటేశుఁ గూడితి చెప్పరాని విందువెట్టి
వావితో విడేలేల వచ్చియిచ్చేవే
చేవదేర గురుతులు చెక్కుల నేనే వొత్తితి
నీవొళ్ళఁ గలిగిన నేర్పులేమి చూపేవే
(||pallavi||)
illurigi vatturā yĕvvaraina savadulu
mĕllamĕllana nīvu megulela seseve
(||illu||)
valabu padanu sūsi vaḍḍiṁchidi nem̐badigi
kalayanela pĕṭṭeve kāṁta nīvunu
tŏluda nĕsaruvĕṭṭi tŏyyalula nenaṁpidi
piluvani peraḍamu priyamela salleve
(||illu||)
navvulu dŏṁtivĕṭṭidi naḍumaṁtramuna nīvu
kuvvagānela sūbeve kūrāgumovi
pavvaḽiṁchi yiṁṭilona paḽḽĕmu nenĕ pĕṭṭidi
muvvaṁka appaḍi nīvu muggulela pĕṭṭeve
(||illu||)
śhrī vĕṁkaḍeśhum̐ gūḍidi sĕpparāni viṁduvĕṭṭi
vāvido viḍelela vachchiyichcheve
sevadera gurudulu sĕkkula nene vŏttidi
nīvŏḽḽam̐ galigina nerbulemi sūbeve