(॥పల్లవి॥)
ఇహమెట్టో పరమెట్టో ఇఁక నాకు
సహజమై హరియే శరణము నాకు
(॥ఇహ॥)
చిత్తమిది యొకటే చింత వేవేల సంఖ్య
పొత్తుల హరిఁ దలఁచఁ బొద్దులేదు
జొత్తుల కన్నులు రెండు చూపులైతే ననంతాలు
తత్తరించి హరిరూపు దగ్గరి చూడలేదు
(॥ఇహ॥)
చేతు లివియు రెండే చేష్టలు లక్షోపలక్ష
యీతల హరిఁ బూజించ నిచ్చ లేదు
జాతి నాలిక వొకటే చవులు కోటానఁగోటి
రీతి హరినామ ముచ్చరించ వేళ లేదు
(॥ఇహ॥)
వీనులివి రెండే వినికి కొలదిఁలేదు
వూని హరిభక్తి విన బుద్ధిలేదు
యీనటన శ్రీవేంకటేశుఁడిటు చూచినను
తానే యేలె నిఁకఁ దడఁబాటు లేదు
(||pallavi||)
ihamĕṭṭo paramĕṭṭo im̐ka nāgu
sahajamai hariye śharaṇamu nāgu
(||iha||)
sittamidi yŏgaḍe siṁta vevela saṁkhya
pŏttula harim̐ dalam̐sam̐ bŏdduledu
jŏttula kannulu rĕṁḍu sūbulaide nanaṁtālu
tattariṁchi harirūbu daggari sūḍaledu
(||iha||)
sedu liviyu rĕṁḍe seṣhṭalu lakṣhobalakṣha
yīdala harim̐ būjiṁcha nichcha ledu
jādi nāliga vŏgaḍe savulu koḍānam̐goḍi
rīdi harināma muchchariṁcha veḽa ledu
(||iha||)
vīnulivi rĕṁḍe vinigi kŏladim̐ledu
vūni haribhakti vina buddhiledu
yīnaḍana śhrīveṁkaḍeśhum̐ḍiḍu sūsinanu
tāne yelĕ nim̐kam̐ daḍam̐bāḍu ledu