(॥పల్లవి॥)
ఇహపరములు గొన నీ దేవుఁడే
సహజ మిన్నిటాను సర్వేశుఁడే
(॥ఇహ॥)
తలఁచి చూచినాను తనలోనే మఱచిన (నా?)
తలఁపుల కొనవాఁడు దైవ మొకఁడే
పలికి చూచినాను పలుకక మానినాను
పలుకుల కొనవాఁడు పరమాత్ముఁడే
(॥ఇహ॥)
కనుఁగొని చూచినాను కనురెప్ప మూసినాను
కనుచూపు కొనవాఁడు కమలాక్షుఁడే
విని యాలకించినాను వినకట్టె మానినాను
వినుకుల కొననెల్లా విష్ణుఁడొక్కఁడే
(॥ఇహ॥)
మేలుకొని వుండినాను మించి నిద్దిరించినాను
కాలము కొనలవాఁడు ఘనుఁడీ హరే
యీలాగు శ్రీవేంకటేశుఁ డెదలోన నున్నవాఁడు
కీలు విచారించితే కృష్ణుఁ డితఁడే
(||pallavi||)
ihabaramulu gŏna nī devum̐ḍe
sahaja minniḍānu sarveśhum̐ḍe
(||iha||)
talam̐si sūsinānu tanalone maṟasina (nā?)
talam̐pula kŏnavām̐ḍu daiva mŏgam̐ḍe
paligi sūsinānu palugaga māninānu
palugula kŏnavām̐ḍu paramātmum̐ḍe
(||iha||)
kanum̐gŏni sūsinānu kanurĕppa mūsinānu
kanusūbu kŏnavām̐ḍu kamalākṣhum̐ḍe
vini yālagiṁchinānu vinagaṭṭĕ māninānu
vinugula kŏnanĕllā viṣhṇum̐ḍŏkkam̐ḍe
(||iha||)
melugŏni vuṁḍinānu miṁchi niddiriṁchinānu
kālamu kŏnalavām̐ḍu ghanum̐ḍī hare
yīlāgu śhrīveṁkaḍeśhum̐ ḍĕdalona nunnavām̐ḍu
kīlu visāriṁchide kṛṣhṇum̐ ḍidam̐ḍe