(॥పల్లవి॥)
ఇటువంటివే నీకు యితవులౌను
కుటిలకుంతలి చేఁత గురియాయ నీకు
(॥ఇటు॥)
చెలియ నీయెదుటను చేతులెత్తి మొక్కితేను
మొలక చన్నులు నీపై మొనలెత్తెను
అలరి చంకగుదియ నట్టే శరణనేటి
నిలుకడయిన మాట నిజమాయ నీకు
(॥ఇటు॥)
కోమలి నీవూడిగేన కుంచె విసరఁ జొచ్చితే
దామెనహారాలు వల్లెతగిలించెను
వేమారు నోమేది నోము వేసేవి గాలాలు
యీమాటలెల్ల నేఁ డు యిరవాయ నీకు
(॥ఇటు॥)
కందువ శ్రీవెంకటేశ కాఁగిట నిన్ను నించితే
యిందుముఖి మోవి నిన్ను నెంగిలిసేసె
విందులలోనే మరి వీడుదోడుగూడినట్టి
అందమైన మాటలెల్ల ననువాయ నీకు
(||pallavi||)
iḍuvaṁṭive nīgu yidavulaunu
kuḍilaguṁtali sem̐ta guriyāya nīgu
(||iḍu||)
sĕliya nīyĕduḍanu sedulĕtti mŏkkidenu
mŏlaga sannulu nībai mŏnalĕttĕnu
alari saṁkagudiya naṭṭe śharaṇaneḍi
nilugaḍayina māḍa nijamāya nīgu
(||iḍu||)
komali nīvūḍigena kuṁchĕ visaram̐ jŏchchide
dāmĕnahārālu vallĕdagiliṁchĕnu
vemāru nomedi nomu vesevi gālālu
yīmāḍalĕlla nem̐ ḍu yiravāya nīgu
(||iḍu||)
kaṁduva śhrīvĕṁkaḍeśha kām̐giḍa ninnu niṁchide
yiṁdumukhi movi ninnu nĕṁgilisesĕ
viṁdulalone mari vīḍudoḍugūḍinaṭṭi
aṁdamaina māḍalĕlla nanuvāya nīgu