ఇటువలెనే పో సకలము యించుకగన భావించిన
(॥పల్లవి॥)
ఇటువలెనే పో సకలము యించుకగన భావించిన
అటమటముల సంతోషము ఆసలు సేయుటలు
(॥ఇటు॥)
పగగొనితిరిగేటిజన్మపుబాధలు తనకే కాలము
తగుసుఖ మెక్కడ నున్నది తడతాఁకులే కాక
పొగలోపల సేక గాసిన భగభగఁ గన్నుల నీళ్లు
నిడిగినదు:ఖమే కాకిటు నిజసౌఖ్యము గలదా
(॥ఇటు॥)
పొలసిన మాయపురూపులు పొలఁతుల మచ్చిక మాటలు
తలఁచిన తనకేమున్నది తలఁపోఁతలేకాక
బలువునఁ బారఁగ మోహవుపాశము తన మెడఁ దగిలిన
తలకిందుగఁ బడుటెల్లను తనకిది ప్రియమౌనా
(॥ఇటు॥)
చేతిపదార్థము దలఁచక చేరువనుండినవారల-
చేతిపదార్థము గోరిన చేతికి లోనౌనా
ఆతుమఁగల వేంకటపతి నాత్మఁ దలఁచి సుఖింపక
యేతరి సుఖములఁ దిరిగిన నింపులు దనకౌనా
(||pallavi||)
iḍuvalĕne po sagalamu yiṁchugagana bhāviṁchina
aḍamaḍamula saṁtoṣhamu āsalu seyuḍalu
(||iḍu||)
pagagŏnidirigeḍijanmabubādhalu tanage kālamu
tagusukha mĕkkaḍa nunnadi taḍadām̐kule kāga
pŏgalobala sega gāsina bhagabhagam̐ gannula nīḽlu
niḍiginadu:khame kāgiḍu nijasaukhyamu galadā
(||iḍu||)
pŏlasina māyaburūbulu pŏlam̐tula machchiga māḍalu
talam̐sina tanagemunnadi talam̐pom̐talegāga
baluvunam̐ bāram̐ga mohavubāśhamu tana mĕḍam̐ dagilina
talagiṁdugam̐ baḍuḍĕllanu tanagidi priyamaunā
(||iḍu||)
sedibadārdhamu dalam̐saga seruvanuṁḍinavārala-
sedibadārdhamu gorina sedigi lonaunā
ādumam̐gala veṁkaḍabadi nātmam̐ dalam̐si sukhiṁpaga
yedari sukhamulam̐ dirigina niṁpulu danagaunā