(॥పల్లవి॥)
ఇటు నిను దెలియఁగ ఎంతటివారము
తటుకున నాసలఁ దగులుట గాక
(॥ఇటు॥)
నానామూర్తులు నగధర నీరూపు
యే నెలవుల నిన్నెటువలెఁ దలఁచుట
పూని నీ భావము పొందుగాఁ జెప్పఁగా
వీనులు చల్లఁగా వినుటే కాక
(॥ఇటు॥)
పెక్కు నామములు బిరుదు లనంతము-
లెక్కడ గొలదిగ నెన్నెని పొగడుట
యిక్కువ సేసుక యిందులో నొకటి
పక్కన నొకమరి పలుకుట గాక
(॥ఇటు॥)
వేవేలు గలవు నీ విహార భూములు
యేవిధమున నెందెందని తిరుగుట
శ్రీవేంకటేశా నీ శృంగారమెల్లను
సేవించి ముదమునఁ జెలఁగుట గాక
(||pallavi||)
iḍu ninu dĕliyam̐ga ĕṁtaḍivāramu
taḍuguna nāsalam̐ daguluḍa gāga
(||iḍu||)
nānāmūrdulu nagadhara nīrūbu
ye nĕlavula ninnĕḍuvalĕm̐ dalam̐suḍa
pūni nī bhāvamu pŏṁdugām̐ jĕppam̐gā
vīnulu sallam̐gā vinuḍe kāga
(||iḍu||)
pĕkku nāmamulu birudu lanaṁtamu-
lĕkkaḍa gŏladiga nĕnnĕni pŏgaḍuḍa
yikkuva sesuga yiṁdulo nŏgaḍi
pakkana nŏgamari paluguḍa gāga
(||iḍu||)
vevelu galavu nī vihāra bhūmulu
yevidhamuna nĕṁdĕṁdani tiruguḍa
śhrīveṁkaḍeśhā nī śhṛṁgāramĕllanu
seviṁchi mudamunam̐ jĕlam̐guḍa gāga