ఇదియౌనె నీమాట యియ్యకొంటి నిఁకను
(॥పల్లవి॥)
ఇదియౌనె నీమాట యియ్యకొంటి నిఁకను
సుదతిరో మీ రిట్టె చుట్టములై వుండరే
(॥ఇది॥)
కమలాక్షుఁ డాతఁడు కలువకంటిని నేను
తమిఁ గూట మిద్దరికిఁ దగులు టెట్టే
జమళి నందుకొరకె చందసూర్యులకన్నుల
నమరివున్నాఁడు గదె అదివో రమణుఁడు
(॥ఇది॥)
బింబాధరుఁ డాతఁడు పికవాణిని నేను
యింబడర నిద్దరికి నేఁటిపొందులే
వంబులేక అందుకెపో వైపుగ మాధవుఁడనే
పంబిన పేరుధరించెఁ బక్కన నీవిభుఁడు
(॥ఇది॥)
తాను కౌస్తుభవక్షుఁడు తగు నే లతాంగిని
యీనెలవులఁ గూడితి మెటువంటిదే
పూని శ్రీవెంకటేశుఁడు పొసఁగె నీమేరలకె
కానవచ్చె నిన్నిటాను ఘనుఁడె నీమగఁడు
(||pallavi||)
idiyaunĕ nīmāḍa yiyyagŏṁṭi nim̐kanu
sudadiro mī riṭṭĕ suṭṭamulai vuṁḍare
(||idi||)
kamalākṣhum̐ ḍādam̐ḍu kaluvagaṁṭini nenu
tamim̐ gūḍa middarigim̐ dagulu ṭĕṭṭe
jamaḽi naṁdugŏragĕ saṁdasūryulagannula
namarivunnām̐ḍu gadĕ adivo ramaṇum̐ḍu
(||idi||)
biṁbādharum̐ ḍādam̐ḍu pigavāṇini nenu
yiṁbaḍara niddarigi nem̐ṭibŏṁdule
vaṁbulega aṁdugĕbo vaibuga mādhavum̐ḍane
paṁbina perudhariṁchĕm̐ bakkana nīvibhum̐ḍu
(||idi||)
tānu kaustubhavakṣhum̐ḍu tagu ne ladāṁgini
yīnĕlavulam̐ gūḍidi mĕḍuvaṁṭide
pūni śhrīvĕṁkaḍeśhum̐ḍu pŏsam̐gĕ nīmeralagĕ
kānavachchĕ ninniḍānu ghanum̐ḍĕ nīmagam̐ḍu