(॥పల్లవి॥)
ఇదివో యింతట వరంబీవయ్యా
కదిసి ప్రత్యక్షంబు గావయ్యా చెలికి
(॥ఇది॥)
తరుణి నిన్నుఁ బెడఁబాసి తపము శాయఁగఁ దొడఁగె
విరహంపు నులిగురుల విరజడలతో
అరమోడ్పు కనుఁగొనల ఆనందములతోడ
బరువైన నిట్టూర్పు పవనముతోడ
(॥ఇది॥)
ముదిత నినుఁ దలపోసి మునిమార్గమునఁ జెలఁగె
మొదల నివ్వెరపాటుమోనంబుతో
వదలని పులకగముల వనవాసములతోడ
అదనెరఁగని నిరాహరంబుతోడ
(॥ఇది॥)
ఉవిద నీతోఁగూడి యోగంబు సాధించె
వివరంబుతోడ శ్రీ వెంకటేశ
నవకమగు రతుల నానావిధంబులతోడ
కవగూడియున్న చిరకాలంబుతోడ
(||pallavi||)
idivo yiṁtaḍa varaṁbīvayyā
kadisi pratyakṣhaṁbu gāvayyā sĕligi
(||idi||)
taruṇi ninnum̐ bĕḍam̐bāsi tabamu śhāyam̐gam̐ dŏḍam̐gĕ
virahaṁpu nuligurula virajaḍalado
aramoḍpu kanum̐gŏnala ānaṁdamuladoḍa
baruvaina niṭṭūrbu pavanamudoḍa
(||idi||)
mudida ninum̐ dalabosi munimārgamunam̐ jĕlam̐gĕ
mŏdala nivvĕrabāḍumonaṁbudo
vadalani pulagagamula vanavāsamuladoḍa
adanĕram̐gani nirāharaṁbudoḍa
(||idi||)
uvida nīdom̐gūḍi yogaṁbu sādhiṁchĕ
vivaraṁbudoḍa śhrī vĕṁkaḍeśha
navagamagu radula nānāvidhaṁbuladoḍa
kavagūḍiyunna siragālaṁbudoḍa