ఇదివో విన్నవించితి మిన్నిటా జాణవు నీవు
(॥పల్లవి॥)
ఇదివో విన్నవించితి మిన్నిటా జాణవు నీవు
మదిరాక్షి మే లెరిఁగి మన్నించఁదగును
(॥ఇది॥)
చెలి నీవు వచ్చేవంటా సిగ్గుల ముగ్గులు వెట్టి
తళుకుఁజూపుల తమ్మిదండలు గట్టి
పలచని చెమటల పన్నీరు చిలికించి
వెలయ మోవి తేనెల విందాయితము సేసె
(॥ఇది॥)
దొరయ చెక్కుటద్దాల తోరణములుగా గట్టి
గరిమఁ దొడ లరఁటి కంబాలు సేసె
నిరతిఁ బులకలనే నించె ముత్తేలకుచ్చులు
పరగ గుబ్బలనే పైఁడికుండ లెత్తెను
(॥ఇది॥)
కమ్మని మేని తావుల గంద మట్టె యమరించె
పమ్మి పలుకుల కప్రబాగాలు గూర్చె
ఇమ్ముల నలమేల్మంగ యీకె శ్రీవేంకటేశ్వర
నెమ్మిఁ గూడితి వింతలో నీవే యింటికి వచ్చి
(||pallavi||)
idivo vinnaviṁchidi minniḍā jāṇavu nīvu
madirākṣhi me lĕrim̐gi manniṁcham̐dagunu
(||idi||)
sĕli nīvu vachchevaṁṭā siggula muggulu vĕṭṭi
taḽugum̐jūbula tammidaṁḍalu gaṭṭi
palasani sĕmaḍala pannīru siligiṁchi
vĕlaya movi tenĕla viṁdāyidamu sesĕ
(||idi||)
dŏraya sĕkkuḍaddāla toraṇamulugā gaṭṭi
garimam̐ dŏḍa laram̐ṭi kaṁbālu sesĕ
niradim̐ bulagalane niṁchĕ muttelaguchchulu
paraga gubbalane paim̐ḍiguṁḍa lĕttĕnu
(||idi||)
kammani meni tāvula gaṁda maṭṭĕ yamariṁchĕ
pammi palugula kaprabāgālu gūrsĕ
immula nalamelmaṁga yīgĕ śhrīveṁkaḍeśhvara
nĕmmim̐ gūḍidi viṁtalo nīve yiṁṭigi vachchi