ఇదివో నీ దొరతన మేఁటిదయ్యా
(॥పల్లవి॥)
ఇదివో నీ దొరతన మేఁటిదయ్యా
అదనాయ నేనేమైనా నాడఁజెల్లునయ్యా
(॥ఇది॥)
నాదిక్కుచూచీ నాపె నవ్వి తలవంచేవు
యీదెస నీ జాణతన మేఁటిదయ్యా
ఆదిగో నాపె దూతికనై వచ్చితి నీవద్దికి
పాదుగా నన్నింతసేసి పరాకై తివేమయ్యా
(॥ఇది॥)
మచ్చాలువేసీ నాపె మాటలాడేవు నీవైతే
యిచ్చట నీ జాణతన మేఁటిదయ్యా
నెచ్చెలింటికి రమ్మంటే నీవు నన్ను ముట్టితివి
అచ్చలాన గుట్టుసేసేవదేమయ్యా
(॥ఇది॥)
వెల్లవిరిసేసీ నాపె వింత నీ జాణతనాలు
యిల్లిదె శ్రీవెంకటేశ యేఁటిదయ్యా
తొల్లె యాపెఁగూడి జెల్లెల నన్నూఁగూడితి
వుల్లసాన మెచ్చేవు నీ వుపమిదేమయ్యా
(||pallavi||)
idivo nī dŏradana mem̐ṭidayyā
adanāya nenemainā nāḍam̐jĕllunayyā
(||idi||)
nādikkusūsī nābĕ navvi talavaṁchevu
yīdĕsa nī jāṇadana mem̐ṭidayyā
ādigo nābĕ dūdiganai vachchidi nīvaddigi
pādugā nanniṁtasesi parāgai tivemayyā
(||idi||)
machchāluvesī nābĕ māḍalāḍevu nīvaide
yichchaḍa nī jāṇadana mem̐ṭidayyā
nĕchchĕliṁṭigi rammaṁṭe nīvu nannu muṭṭidivi
achchalāna guṭṭusesevademayyā
(||idi||)
vĕllavirisesī nābĕ viṁta nī jāṇadanālu
yillidĕ śhrīvĕṁkaḍeśha yem̐ṭidayyā
tŏllĕ yābĕm̐gūḍi jĕllĕla nannūm̐gūḍidi
vullasāna mĕchchevu nī vubamidemayyā