ఇదివో మాయింట నేఁడు యింతసేసెఁ గృష్ణుఁడు
(॥పల్లవి॥)
ఇదివో మాయింట నేఁడు యింతసేసెఁ గృష్ణుఁడు
అదివో మాయింటాను అంతసేసెఁ గృష్ణుడు
(॥ఇది॥)
గంట వాఁగకుండా నిండఁ గసపు దురిగి మా-
యింటివారు నిద్దిరించ నిల్లుచొచ్చెను
అంటివచ్చి వొకదూడ ఆపూరి మేసితేను
గంట గణగణ వాఁగె గక్కన మేల్కంటిమి
(॥ఇది॥)
వొక్కరోలు దాపు వెట్టి వుట్టియెక్కి అందుమీఁది-
చక్కెరల్లా మెసఁగి మాచంటివానిని
వుక్కఁ బట్టి వుట్టిమీఁద నునిచి రోలు దీసె
చొక్కి తా నెందున్నాఁడో చొప్పు ఇదే కంటిమి
(॥ఇది॥)
ఆవుల వెళ్ళవిడిచె నవి నేఁ దోలి తేఁబోతే
నీవల దూడలఁ దెచ్చి యింటిలోఁ గట్టె
దావతి నింతా వెదకి తలుపు దెరచితేను
శ్రీవేంకటేశుని మాయఁ జిక్కి లోన నున్నవి
(||pallavi||)
idivo māyiṁṭa nem̐ḍu yiṁtasesĕm̐ gṛṣhṇum̐ḍu
adivo māyiṁṭānu aṁtasesĕm̐ gṛṣhṇuḍu
(||idi||)
gaṁṭa vām̐gaguṁḍā niṁḍam̐ gasabu durigi mā-
yiṁṭivāru niddiriṁcha nillusŏchchĕnu
aṁṭivachchi vŏgadūḍa ābūri mesidenu
gaṁṭa gaṇagaṇa vām̐gĕ gakkana melgaṁṭimi
(||idi||)
vŏkkarolu dābu vĕṭṭi vuṭṭiyĕkki aṁdumīm̐di-
sakkĕrallā mĕsam̐gi māsaṁṭivānini
vukkam̐ baṭṭi vuṭṭimīm̐da nunisi rolu dīsĕ
sŏkki tā nĕṁdunnām̐ḍo sŏppu ide kaṁṭimi
(||idi||)
āvula vĕḽḽaviḍisĕ navi nem̐ doli tem̐bode
nīvala dūḍalam̐ dĕchchi yiṁṭilom̐ gaṭṭĕ
dāvadi niṁtā vĕdagi talubu dĕrasidenu
śhrīveṁkaḍeśhuni māyam̐ jikki lona nunnavi