ఇది యెరిఁగినవారే యెంచఁగ నీ దాసులు
(॥పల్లవి॥)
ఇది యెరిఁగినవారే యెంచఁగ నీ దాసులు
వెదకి తెలుసుకొంటే వేదాంతాల నున్నవి
(॥ఇది॥)
పట్టితే నీ స్వరూపము బయలు లోపల నిండి
అట్టే సర్వశక్తితో సాకారముతో
యెట్టు దలఁచినాఁ జిత్తాయిత్తమై వున్నాఁడవు
వొట్టి ప్రకృతిపురుషు లొగి నీ దేహములు
(॥ఇది॥)
అనంతమైన ప్రకృతి అఖిలవికారములై
పనివడి నీ మాయయై ప్రపంచమై
వొసరి జడమై యుండ నొకచో దివ్యమై యుండు
నినుపై ఇహపరాలు నీయైశ్వర్యములు
(॥ఇది॥)
జీవుఁ డణువు జ్ఞానము చింతించగా విభువు
యీ విధము నానాజీవులివె నీ యందె
శ్రీవేంకటేశుఁడ నీవే చేకొన్నచైతన్యమవు
కావింపఁ గర్మభక్తులే కారణఫలములు
(||pallavi||)
idi yĕrim̐ginavāre yĕṁcham̐ga nī dāsulu
vĕdagi tĕlusugŏṁṭe vedāṁtāla nunnavi
(||idi||)
paṭṭide nī svarūbamu bayalu lobala niṁḍi
aṭṭe sarvaśhaktido sāgāramudo
yĕṭṭu dalam̐sinām̐ jittāyittamai vunnām̐ḍavu
vŏṭṭi prakṛtiburuṣhu lŏgi nī dehamulu
(||idi||)
anaṁtamaina prakṛti akhilavigāramulai
panivaḍi nī māyayai prabaṁchamai
vŏsari jaḍamai yuṁḍa nŏgaso divyamai yuṁḍu
ninubai ihabarālu nīyaiśhvaryamulu
(||idi||)
jīvum̐ ḍaṇuvu jñānamu siṁtiṁchagā vibhuvu
yī vidhamu nānājīvulivĕ nī yaṁdĕ
śhrīveṁkaḍeśhum̐ḍa nīve segŏnnasaidanyamavu
kāviṁpam̐ garmabhaktule kāraṇaphalamulu