ఇది కల్లయనరాదు యిది నిశ్చయింపరాదు
(॥పల్లవి॥)
ఇది కల్లయనరాదు యిది నిశ్చయింపరాదు
పదిలానఁ గొలువఁగా ప్రత్యక్షమయ్యేవు
(॥ఇది॥)
యెదలో నుండుదువని యిన్ని వేదాలు చెప్పగా
వెదకి ధ్యానము సేతు వెస గనుఁగొంట లేదు
చెదర కందే మరి జీవుఁడు నున్నాఁ డందురు
పదిలముగాఁ జూతు భావించరాదు
(॥ఇది॥)
అంతటా నుందువని ప్రహ్లాదుఁడు చెప్పెననఁగా
చింతించి పట్టఁదలఁతు చేతికిఁ జిక్కుట లేదు
సంతత జ్ఞానాన నీ సాకారమున్నదందురు
మంతనానఁ బిల్తు నొకమాట వినఁబడదు
(॥ఇది॥)
రవిలో నుందువని సురలు నిన్నుఁ గొలువఁగా
తవిలి పూజించేనంటే దగ్గరి వచ్చుట లేదు
యివల శ్రీవేంకటాద్రి నిరవై నీవున్నాఁడవు
తివిరి సేవించితిమి ద్రిష్టమాయ మాకు
(||pallavi||)
idi kallayanarādu yidi niśhchayiṁparādu
padilānam̐ gŏluvam̐gā pratyakṣhamayyevu
(||idi||)
yĕdalo nuṁḍuduvani yinni vedālu sĕppagā
vĕdagi dhyānamu sedu vĕsa ganum̐gŏṁṭa ledu
sĕdara kaṁde mari jīvum̐ḍu nunnām̐ ḍaṁduru
padilamugām̐ jūdu bhāviṁcharādu
(||idi||)
aṁtaḍā nuṁduvani prahlādum̐ḍu sĕppĕnanam̐gā
siṁtiṁchi paṭṭam̐dalam̐tu sedigim̐ jikkuḍa ledu
saṁtada jñānāna nī sāgāramunnadaṁduru
maṁtanānam̐ bildu nŏgamāḍa vinam̐baḍadu
(||idi||)
ravilo nuṁduvani suralu ninnum̐ gŏluvam̐gā
tavili pūjiṁchenaṁṭe daggari vachchuḍa ledu
yivala śhrīveṁkaḍādri niravai nīvunnām̐ḍavu
tiviri seviṁchidimi driṣhṭamāya māgu