(॥పల్లవి॥)
ఇదె వీఁడె చూడవే యించుక మాటాడవే
యెదురై కూడితిరి మీరిఁక నేలె యలుక
(॥ఇదె॥)
తామెరలు వికసించె తరుణి నేఁడు నీమోహము
తామర వికసించదు తగునటవే
తామెరకుఁ జుట్టుము ధరణిపై సూర్యుఁడు
నీమోముదామెరకు నీవిభుఁడు చుట్టుము
(॥ఇదె॥)
కలువలు వికసించె కలికి నేఁడు నీకన్నుఁ
గలువలు ముకుళించఁ గారణమేమే
కలువలచెలికాఁడు కందువచంద్రుఁడు నీ
కలువకన్నులకు నీకాంతుఁడెపో చుట్టుము
(॥ఇదె॥)
వనములు వికసించె వనిత నేఁడు నీజ
వ్వనమును వికసించ వైపాయనే
వనదేవతందుకైతే వసంతుఁడు నీకు మిం
చినవనదేవతైతే శ్రీ వెంకటేశుఁడు
(||pallavi||)
idĕ vīm̐ḍĕ sūḍave yiṁchuga māḍāḍave
yĕdurai kūḍidiri mīrim̐ka nelĕ yaluga
(||idĕ||)
tāmĕralu vigasiṁchĕ taruṇi nem̐ḍu nīmohamu
tāmara vigasiṁchadu tagunaḍave
tāmĕragum̐ juṭṭumu dharaṇibai sūryum̐ḍu
nīmomudāmĕragu nīvibhum̐ḍu suṭṭumu
(||idĕ||)
kaluvalu vigasiṁchĕ kaligi nem̐ḍu nīgannum̐
galuvalu muguḽiṁcham̐ gāraṇameme
kaluvalasĕligām̐ḍu kaṁduvasaṁdrum̐ḍu nī
kaluvagannulagu nīgāṁtum̐ḍĕbo suṭṭumu
(||idĕ||)
vanamulu vigasiṁchĕ vanida nem̐ḍu nīja
vvanamunu vigasiṁcha vaibāyane
vanadevadaṁdugaide vasaṁtum̐ḍu nīgu miṁ
sinavanadevadaide śhrī vĕṁkaḍeśhum̐ḍu