(॥పల్లవి॥)
ఇదె శిరసు మాణిక్య మిచ్చిపంపె నీకు నాకె
అద నెఱిఁగి తెచ్చితి నవధరించవయ్యా
(॥ఇదె॥)
రామ నినుఁ బాసి నీరామ నేఁ జూడఁగ నా-
రామమున నినుఁ బాడె రామరామ యనుచు
ఆమెలుఁత సీతయని యపుడు నేఁ దెలిసి
నీముద్రవుంగరము నే నిచ్చితిని
(॥ఇదె॥)
కమలాప్తకులుఁడ నీకమలాక్షి నీపాదఁ
కమలములు దలపోసి కమలారి దూరె
నెమకి యాలేమ నే నీదేవి యని తెలిసి
అమరంగ నీనేమ మటు విన్నవించితి
(॥ఇదె॥)
దశరథాత్మజ నీవు దశశిరునిఁ జంపి యా-
దశనున్నచెలిఁ గావు దశదిశలుఁ బొగడ
రసికుఁడ శ్రీవేంకటరఘవీరుఁడ నీవు
శశిముఖిఁ జేకొంటివి చక్కనాయఁ బనులు
(||pallavi||)
idĕ śhirasu māṇikya michchibaṁpĕ nīgu nāgĕ
ada nĕṟim̐gi tĕchchidi navadhariṁchavayyā
(||idĕ||)
rāma ninum̐ bāsi nīrāma nem̐ jūḍam̐ga nā-
rāmamuna ninum̐ bāḍĕ rāmarāma yanusu
āmĕlum̐ta sīdayani yabuḍu nem̐ dĕlisi
nīmudravuṁgaramu ne nichchidini
(||idĕ||)
kamalāptagulum̐ḍa nīgamalākṣhi nībādam̐
kamalamulu dalabosi kamalāri dūrĕ
nĕmagi yālema ne nīdevi yani tĕlisi
amaraṁga nīnema maḍu vinnaviṁchidi
(||idĕ||)
daśharathātmaja nīvu daśhaśhirunim̐ jaṁpi yā-
daśhanunnasĕlim̐ gāvu daśhadiśhalum̐ bŏgaḍa
rasigum̐ḍa śhrīveṁkaḍaraghavīrum̐ḍa nīvu
śhaśhimukhim̐ jegŏṁṭivi sakkanāyam̐ banulu