ఇద్దరుఁ గూడినమీఁద నిఁక నేఁటి సుద్దులే
(॥పల్లవి॥)
ఇద్దరుఁ గూడినమీఁద నిఁక నేఁటి సుద్దులే
పొద్దు వొద్దు కాతఁడు బుజ్జగించఁగాను
(॥ఇద్ద॥)
తమకించే వేఁటికె తా నిన్న రానియందుకు
అమర నాతఁడు నీతో నానతీఁగాను
చెమరించే వేఁటికె చెక్కు నొక్కి యాతఁడు
జమళి వేఁడుకొని యిచ్చకము సేయఁగాను
(॥ఇద్ద॥)
పచ్చిసేయ నేఁటికె పరాకై తా రున్నందుకు
చెచ్చెర నాతఁడు నిన్నె చెనకఁగాను
మెచ్చ వింకానేఁటికె మేకుల నిన్నుఁ బొగడి
వొచ్చముదీర నాతఁడు వుపచరించఁగను
(॥ఇద్ద॥)
ఆరీతి యింకేఁటికే అన్ని చేఁతలకు నిన్నుఁ
గోరి శ్రీవెంకటేశుఁడు కూడఁగాను
బీరములు మానవె పెనఁగి నిన్నుఁ గలసి
ఆరసి యీతఁడె నీకు నందాలు చెప్పఁగనూ
(||pallavi||)
iddarum̐ gūḍinamīm̐da nim̐ka nem̐ṭi suddule
pŏddu vŏddu kādam̐ḍu bujjagiṁcham̐gānu
(||idda||)
tamagiṁche vem̐ṭigĕ tā ninna rāniyaṁdugu
amara nādam̐ḍu nīdo nānadīm̐gānu
sĕmariṁche vem̐ṭigĕ sĕkku nŏkki yādam̐ḍu
jamaḽi vem̐ḍugŏni yichchagamu seyam̐gānu
(||idda||)
pachchiseya nem̐ṭigĕ parāgai tā runnaṁdugu
sĕchchĕra nādam̐ḍu ninnĕ sĕnagam̐gānu
mĕchcha viṁkānem̐ṭigĕ megula ninnum̐ bŏgaḍi
vŏchchamudīra nādam̐ḍu vubasariṁcham̐ganu
(||idda||)
ārīdi yiṁkem̐ṭige anni sem̐talagu ninnum̐
gori śhrīvĕṁkaḍeśhum̐ḍu kūḍam̐gānu
bīramulu mānavĕ pĕnam̐gi ninnum̐ galasi
ārasi yīdam̐ḍĕ nīgu naṁdālu sĕppam̐ganū