(॥పల్లవి॥)
ఇద్దరుఁ దెలుసుకోరే యిన్నిటా జాణలు మీరు
పొద్దునఁ దెర వేసేము పొలఁతుల మిపుడు
(॥ఇద్ద॥)
మొలచెనది గదవే మోవినే చిరునగవు
తలఁచిన పని యేదో తరుణి నీవు
చెలువుఁడంతటిలోనె సిగ్గువడీ నీయెదుట
యెలమిఁ దెలియవు మాకిటమీఁది పనులు
(॥ఇద్ద॥)
చెమరించెనదిగదే చెలియ నీమేనెల్ల
తమకించిన పనేదొ తగిలి నీవు
జమళినాతఁడందుకు సన్నల మెచ్చెఁ గన్నుల
సమములై తోఁచీ మాకుసంతోసపుఁబనులు
(॥ఇద్ద॥)
పొడమెనదిగదవే పులకలు నీమేన
జడిగొన్న నీలోనిసంతోసమెంతో
అడరి శ్రీవేంకటేశుఁడలమె నిన్నంతలోనే
వుడివోనివాయ మాకు వుద్యోగపుఁబనులు
(||pallavi||)
iddarum̐ dĕlusugore yinniḍā jāṇalu mīru
pŏddunam̐ dĕra vesemu pŏlam̐tula mibuḍu
(||idda||)
mŏlasĕnadi gadave movine sirunagavu
talam̐sina pani yedo taruṇi nīvu
sĕluvum̐ḍaṁtaḍilonĕ sigguvaḍī nīyĕduḍa
yĕlamim̐ dĕliyavu māgiḍamīm̐di panulu
(||idda||)
sĕmariṁchĕnadigade sĕliya nīmenĕlla
tamagiṁchina panedŏ tagili nīvu
jamaḽinādam̐ḍaṁdugu sannala mĕchchĕm̐ gannula
samamulai tom̐sī māgusaṁtosabum̐banulu
(||idda||)
pŏḍamĕnadigadave pulagalu nīmena
jaḍigŏnna nīlonisaṁtosamĕṁto
aḍari śhrīveṁkaḍeśhum̐ḍalamĕ ninnaṁtalone
vuḍivonivāya māgu vudyogabum̐banulu