ఇద్దరు దేహసమ్మంధ మిదివో మాయ
(॥పల్లవి॥)
ఇద్దరు దేహసమ్మంధ మిదివో మాయ
గద్దించి యాడవుండునో కడసారీ తాను
(॥ఇద్ద॥)
తోడఁబుట్టిన మమత తొడఁగి కొన్నాళ్లకు
వాడికె పుత్రులమీఁదవలె నుండదు
వేడుక వారెవ్వరో వీరెవ్వరో కాని
కూడపెట్టీ వీరికే కొట్లాడీ వారికే
(॥ఇద్ద॥)
తల్లిమీఁదఁ గలభక్తి తనకే కొన్నాళ్లకు
యిల్లాలుమీఁదవలె నింత వుండదు
వెల్లవిరి నది యెంత విచారించ నిది యంత
యిల్లుముంగి లొక్కరిది యెరవు వొక్కరిది
(॥ఇద్ద॥)
నీతితో శ్రీవేంకటేశు నిత్యసేవ కొన్నాళ్ల-
కీతల సంసారమంత యితవు గాదు
ఆతఁడెట్టు యివియెట్టు అందరూ నెఱిఁగినదే
చేతు లొకటిమీఁదట చిత్త మొకయందు
(||pallavi||)
iddaru dehasammaṁdha midivo māya
gaddiṁchi yāḍavuṁḍuno kaḍasārī tānu
(||idda||)
toḍam̐buṭṭina mamada tŏḍam̐gi kŏnnāḽlagu
vāḍigĕ putrulamīm̐davalĕ nuṁḍadu
veḍuga vārĕvvaro vīrĕvvaro kāni
kūḍabĕṭṭī vīrige kŏṭlāḍī vārige
(||idda||)
tallimīm̐dam̐ galabhakti tanage kŏnnāḽlagu
yillālumīm̐davalĕ niṁta vuṁḍadu
vĕllaviri nadi yĕṁta visāriṁcha nidi yaṁta
yillumuṁgi lŏkkaridi yĕravu vŏkkaridi
(||idda||)
nīdido śhrīveṁkaḍeśhu nityaseva kŏnnāḽla-
kīdala saṁsāramaṁta yidavu gādu
ādam̐ḍĕṭṭu yiviyĕṭṭu aṁdarū nĕṟim̐ginade
sedu lŏgaḍimīm̐daḍa sitta mŏgayaṁdu