(॥పల్లవి॥)
ఇద్దరి గుణంబు లివి ఇంతులాల
చద్దికిని వేఁడికిని సంగడించీని
(॥ఇద్ద॥)
వొలసి సూర్యునిలోన నుండేటియలవాటు
గలదుగన విరహాగ్నిఁ గలఁగఁ డతఁడు
పొలిఁతిదేహము మొదలఁ బూఁదీగెగనక ఇదె
వలరాచకాఁకచే వాడఁబారీని
(॥ఇద్ద॥)
సరిలేని పంచశరగురుఁడుగన పైకొన్న-
విరిబాణములకెల్ల వెఱవఁ డతఁడు
గరిమ నీచెలిమనసు గంటిలేనిదిగనక
వరుస లోలో మెఱుఁగువలెనె దాఁగీని
(॥ఇద్ద॥)
శ్రీవేంకటాద్రిపైఁ జెలఁగుదేవుఁడుగనక
యీవనిత కుచగిరుల నిటు మరిగెను
యేవంక నీచెలియ ఇందుకే కోరెఁగన
భావమున సంతసము పచ్చిదేరీని
(||pallavi||)
iddari guṇaṁbu livi iṁtulāla
saddigini vem̐ḍigini saṁgaḍiṁchīni
(||idda||)
vŏlasi sūryunilona nuṁḍeḍiyalavāḍu
galadugana virahāgnim̐ galam̐gam̐ ḍadam̐ḍu
pŏlim̐tidehamu mŏdalam̐ būm̐dīgĕganaga idĕ
valarāsagām̐kase vāḍam̐bārīni
(||idda||)
sarileni paṁchaśharagurum̐ḍugana paigŏnna-
viribāṇamulagĕlla vĕṟavam̐ ḍadam̐ḍu
garima nīsĕlimanasu gaṁṭilenidiganaga
varusa lolo mĕṟum̐guvalĕnĕ dām̐gīni
(||idda||)
śhrīveṁkaḍādribaim̐ jĕlam̐gudevum̐ḍuganaga
yīvanida kusagirula niḍu marigĕnu
yevaṁka nīsĕliya iṁduge korĕm̐gana
bhāvamuna saṁtasamu pachchiderīni