ఇద్దరి భావములును యెంచగ నలవిగావు
(॥పల్లవి॥)
ఇద్దరి భావములును యెంచగ నలవిగావు
వొద్దికలై సింగారాలు వొడ్డినయట్లుండెను
(॥ఇద్ద॥)
చెలువపు రమణుఁడు చెమట పైఁ జిమ్మితేను
జలజలఁ జెమరించి సకి యెట్లుండె
నెలవై లావణ్య జలధిలో స్వాతి వానచే
బలిసి ముత్యాల పంట వండినట్లుండెను
(॥ఇద్ద॥)
సరసపు నాయకుఁడు జాజి మొగ్గలు వేసితే
తరుణి మైపులకించి తానెట్టుండెనే
మరిగి పాయపుచేన మన్మథాస్త్రపు మొలక
పొరి వసంతుఁడు చల్ల పొదలినట్లుండెను
(॥ఇద్ద॥)
శ్రీ వెంకటేశ్వరుఁడు చెంది మోవి యిచ్చితేను
యీ వనితమోము కళ యెట్టుండెనే
పోవులై మోహపు నిండుఁబున్న మనమృతముబ్బి
ఆవేళఁ జంద్రకళలానినయట్లుండెను
(||pallavi||)
iddari bhāvamulunu yĕṁchaga nalavigāvu
vŏddigalai siṁgārālu vŏḍḍinayaṭluṁḍĕnu
(||idda||)
sĕluvabu ramaṇum̐ḍu sĕmaḍa paim̐ jimmidenu
jalajalam̐ jĕmariṁchi sagi yĕṭluṁḍĕ
nĕlavai lāvaṇya jaladhilo svādi vānase
balisi mutyāla paṁṭa vaṁḍinaṭluṁḍĕnu
(||idda||)
sarasabu nāyagum̐ḍu jāji mŏggalu veside
taruṇi maibulagiṁchi tānĕṭṭuṁḍĕne
marigi pāyabusena manmathāstrabu mŏlaga
pŏri vasaṁtum̐ḍu salla pŏdalinaṭluṁḍĕnu
(||idda||)
śhrī vĕṁkaḍeśhvarum̐ḍu sĕṁdi movi yichchidenu
yī vanidamomu kaḽa yĕṭṭuṁḍĕne
povulai mohabu niṁḍum̐bunna manamṛtamubbi
āveḽam̐ jaṁdragaḽalāninayaṭluṁḍĕnu