(॥పల్లవి॥)
ఇతరులకు నిను నెరుగతరమా
సతత సత్యవ్రతులు సంపూర్ణమోహవిర-
హితు లెఱుగుఁదురు నిను నిందిరారమణా*
(॥ఇతరు॥)
నారీకటాక్షపటు నారాచభయరహిత-
శూరులెఱుఁగుదురు నినుఁ చూచేటి చూపు
ఘోరసంసార సంకులపరిచ్ఛేదులగు-
ధీరులెఱుఁగుదురు నీదివ్యవిగ్రహము
(॥ఇతరు॥)
రాగభోగవిదూర రంజితాత్ములు మహా-
భాగు లెరుఁగుదురు నినుఁ బ్రణుతించువిధము
ఆగమోక్త ప్రకారాభిగమ్యులు మహా-
యోగులెఱుఁగుదురు నీవుండేటివునికి
(॥ఇతరు॥)
పరమభాగవత పదపద్మసేవానిజా-
భరణులెఱుఁగుదురు నీ పలికేటిపలుకు
పరగు నిత్యానంద పరిపూర్ణ మానస-
స్థిరు లెఱుఁగుదురు నినుఁ దిరువేంకటేశ
(||pallavi||)
idarulagu ninu nĕrugadaramā
sadata satyavradulu saṁpūrṇamohavira-
hidu lĕṟugum̐duru ninu niṁdirāramaṇā*
(||idaru||)
nārīgaḍākṣhabaḍu nārāsabhayarahida-
śhūrulĕṟum̐guduru ninum̐ sūseḍi sūbu
ghorasaṁsāra saṁkulabarichchhedulagu-
dhīrulĕṟum̐guduru nīdivyavigrahamu
(||idaru||)
rāgabhogavidūra raṁjidātmulu mahā-
bhāgu lĕrum̐guduru ninum̐ braṇudiṁchuvidhamu
āgamokta pragārābhigamyulu mahā-
yogulĕṟum̐guduru nīvuṁḍeḍivunigi
(||idaru||)
paramabhāgavada padabadmasevānijā-
bharaṇulĕṟum̐guduru nī paligeḍibalugu
paragu nityānaṁda paribūrṇa mānasa-
sthiru lĕṟum̐guduru ninum̐ diruveṁkaḍeśha