(॥పల్లవి॥)
ఇతరుల నడుగము యితఁడే మా దాత
యితని యీవి వొరు లియ్యఁగఁ గలరా
(॥ఇత॥)
దేవ దేవుఁ డాదిమపురుషుఁడు హరి
శ్రీవత్సాంకుఁడు చిన్మయుఁడు
యీవల నావల యిలువేలుపతఁడు
భావజగురుఁడు మా పాలిటివాఁడు
(॥ఇత॥)
జగదేకగురుఁడు శాశ్వతుఁ డచ్యుతుఁ-
డగజకు వరదుఁడు అనంతుఁడు
తగి మము నేలిన దైవము యేలిక
నిగమమూర్తి మా నిజబంధువుఁడు
(॥ఇత॥)
కలిదోషహరుఁడు కైవల్యవిభుఁడు
అలరిన శ్రీవేంకటాధిపుఁడు
చలిమి బలిమి మా జననియు జనకుఁడు
అలమి యితఁడు మాయంతర్యామి
(||pallavi||)
idarula naḍugamu yidam̐ḍe mā dāda
yidani yīvi vŏru liyyam̐gam̐ galarā
(||ida||)
deva devum̐ ḍādimaburuṣhum̐ḍu hari
śhrīvatsāṁkum̐ḍu sinmayum̐ḍu
yīvala nāvala yiluvelubadam̐ḍu
bhāvajagurum̐ḍu mā pāliḍivām̐ḍu
(||ida||)
jagadegagurum̐ḍu śhāśhvadum̐ ḍachyudum̐-
ḍagajagu varadum̐ḍu anaṁtum̐ḍu
tagi mamu nelina daivamu yeliga
nigamamūrdi mā nijabaṁdhuvum̐ḍu
(||ida||)
kalidoṣhaharum̐ḍu kaivalyavibhum̐ḍu
alarina śhrīveṁkaḍādhibum̐ḍu
salimi balimi mā jananiyu janagum̐ḍu
alami yidam̐ḍu māyaṁtaryāmi