(॥పల్లవి॥)
ఇతరోపాయములెల్ల యీ సందివే
అతిశయపదమైతే హరిదాస్యఫలమే
(॥ఇత॥)
కర్మము సేయ నేరరా కడఁగి సన్యాసులు
కర్మము విడిచి మోక్షముఁ బొందిరి
ధర్మమెరఁగనివారా తత్వపుయోగీంద్రులు సర్వ-
ధర్మము విడిచి హరిఁ దమలోనే కనిరి
(॥ఇత॥)
దానాలు సేయనేరరా తగిలి యోగీంద్రు లన్ని
మాని హరిజపమే నెమ్మడిఁ జేసిరి
నానావిధు లెరఁగరా నాఁడు విభీషణాదులు
శ్రీనాథు శరణని చిరదేహులైరి
(॥ఇత॥)
సతతసంగములెల్ల జన్మబంధహేతువని
మతిమంతులైనవారు మానిరిగాక
హితవైన శ్రీవేంకటేశ్వరుని శరణని
బ్రతుకరా యిందు నందుఁబ్రపన్నులెల్లను
(||pallavi||)
idarobāyamulĕlla yī saṁdive
adiśhayabadamaide haridāsyaphalame
(||ida||)
karmamu seya nerarā kaḍam̐gi sanyāsulu
karmamu viḍisi mokṣhamum̐ bŏṁdiri
dharmamĕram̐ganivārā tatvabuyogīṁdrulu sarva-
dharmamu viḍisi harim̐ damalone kaniri
(||ida||)
dānālu seyanerarā tagili yogīṁdru lanni
māni harijabame nĕmmaḍim̐ jesiri
nānāvidhu lĕram̐garā nām̐ḍu vibhīṣhaṇādulu
śhrīnāthu śharaṇani siradehulairi
(||ida||)
sadatasaṁgamulĕlla janmabaṁdhaheduvani
madimaṁtulainavāru mānirigāga
hidavaina śhrīveṁkaḍeśhvaruni śharaṇani
bradugarā yiṁdu naṁdum̐brabannulĕllanu