(॥పల్లవి॥)
ఇతరధర్మము లందు నిందు గలదా
మతిఁ దలపఁ పరము నీమతముననే కలిగె
(॥ఇత॥)
విదురునకుఁ బరలోకవిధి చేసెనట తొల్లి
అదె ధర్మసుతుఁడు వర్ణాశ్రమంబులు విడిచి
కదిసి నీదాసుఁడై న కతముననే కాదె యీ-
యెదురనే తుదిపదం బిహముననే కలిగె
(॥ఇత॥)
అంటరాని గద్దకుల మంటి జటాయువుకు నీ
వంటి పరలోకకృత్యములు సేసితివి మును
వెంట నీ కైంకర్యవిధి కలిమినేకాదె
వొంటి నీహస్తమున నోగ్యమై నిలిచె
(॥ఇత॥)
యిరవైన శబరిరుచులివియె నైవేద్యమై
పరగెనట శేషమును బహునిషేధములనక
ధర దదీయప్రసాదపు విశేషమేకాదె
సిరుల శ్రీవేంకటేశ చెల్లుబడులాయ
(||pallavi||)
idaradharmamu laṁdu niṁdu galadā
madim̐ dalabam̐ paramu nīmadamunane kaligĕ
(||ida||)
vidurunagum̐ baralogavidhi sesĕnaḍa tŏlli
adĕ dharmasudum̐ḍu varṇāśhramaṁbulu viḍisi
kadisi nīdāsum̐ḍai na kadamunane kādĕ yī-
yĕdurane tudibadaṁ bihamunane kaligĕ
(||ida||)
aṁṭarāni gaddagula maṁṭi jaḍāyuvugu nī
vaṁṭi paralogakṛtyamulu sesidivi munu
vĕṁṭa nī kaiṁkaryavidhi kaliminegādĕ
vŏṁṭi nīhastamuna nogyamai nilisĕ
(||ida||)
yiravaina śhabarirusuliviyĕ naivedyamai
paragĕnaḍa śheṣhamunu bahuniṣhedhamulanaga
dhara dadīyaprasādabu viśheṣhamegādĕ
sirula śhrīveṁkaḍeśha sĕllubaḍulāya