(॥పల్లవి॥)
ఇతని ప్రసాదమే యిన్నియును
గతి యితనిదే కన కాదనరాదు
(॥ఇత॥)
కాయములో నొకఘనసంసారము
ప్రాయంబులతోఁ బ్రబలీని
ఆయ మందుకును హరి దానేయై
దాయక పాయక తగిలున్నాఁడు
(॥ఇత॥)
వొనరిన కలలో నొకసంసారము
మనసుతోడనే మలసీని
ననిచి యందుకును నారాయణుఁడై
కొనమొదలై తా గురియైనాడు
(॥ఇత॥)
వుడిబడి కోర్కుల నొకసంసారము
బడిబడి యాసలఁ బరగీని
విడువక యిది శ్రీవేంకటేశ్వరుఁడే
తొడిఁబడఁ గల్పించి ధ్రువమయినాఁడు
(||pallavi||)
idani prasādame yinniyunu
gadi yidanide kana kādanarādu
(||ida||)
kāyamulo nŏgaghanasaṁsāramu
prāyaṁbuladom̐ brabalīni
āya maṁdugunu hari dāneyai
dāyaga pāyaga tagilunnām̐ḍu
(||ida||)
vŏnarina kalalo nŏgasaṁsāramu
manasudoḍane malasīni
nanisi yaṁdugunu nārāyaṇum̐ḍai
kŏnamŏdalai tā guriyaināḍu
(||ida||)
vuḍibaḍi korgula nŏgasaṁsāramu
baḍibaḍi yāsalam̐ baragīni
viḍuvaga yidi śhrīveṁkaḍeśhvarum̐ḍe
tŏḍim̐baḍam̐ galbiṁchi dhruvamayinām̐ḍu