ఇతఁడే పరబ్రహ్మ మిదియే రామకథ
(॥పల్లవి॥)
ఇతఁడే పరబ్రహ్మ మిదియే రామకథ
శతకోటివిస్తరము సర్వపుణ్యఫలము
(॥ఇతడే॥)
ధరలో రాముఁడు పుట్టె ధరణిజఁ బెండ్లాడె
అరణ్య వాసుల కెల్లా నభయమిచ్చె
సొరిది ముక్కుఁ జెవులు చుప్పనాతిని గోసె
ఖర దూషణులను ఖండించి వేసె
(॥ఇతడే॥)
కినసి వాలిఁ జంపి కిష్కింధ సుగ్రీవు కిచ్చె
వనధి బంధించి దాఁటె వానరులతో
కనలి రావణ కుంభ కర్ణాదులను జంపి
వనితఁ జేకొని మళ్ళి వచ్చె నయోధ్యకును
(॥ఇతడే॥)
సౌమిత్రియు భరతుఁడు శత్రుఘ్నుఁడుఁ గొలువఁగ
భూమి యేలె కుశలవ పుత్రలఁ గాంచె
శ్రీ మంతుఁడై నిలిచె శ్రీ వేంకటాద్రిమీఁద
కామించి విభీషణ లంకకుఁ బట్టము గట్టె
(||pallavi||)
idam̐ḍe parabrahma midiye rāmagatha
śhadagoḍivistaramu sarvabuṇyaphalamu
(||idaḍe||)
dharalo rāmum̐ḍu puṭṭĕ dharaṇijam̐ bĕṁḍlāḍĕ
araṇya vāsula kĕllā nabhayamichchĕ
sŏridi mukkum̐ jĕvulu suppanādini gosĕ
khara dūṣhaṇulanu khaṁḍiṁchi vesĕ
(||idaḍe||)
kinasi vālim̐ jaṁpi kiṣhkiṁdha sugrīvu kichchĕ
vanadhi baṁdhiṁchi dām̐ṭĕ vānarulado
kanali rāvaṇa kuṁbha karṇādulanu jaṁpi
vanidam̐ jegŏni maḽḽi vachchĕ nayodhyagunu
(||idaḍe||)
saumitriyu bharadum̐ḍu śhatrughnum̐ḍum̐ gŏluvam̐ga
bhūmi yelĕ kuśhalava putralam̐ gāṁchĕ
śhrī maṁtum̐ḍai nilisĕ śhrī veṁkaḍādrimīm̐da
kāmiṁchi vibhīṣhaṇa laṁkagum̐ baṭṭamu gaṭṭĕ