(॥పల్లవి॥)
ఇచ్చకములాడరే యింతులాల
పచ్చిజవ్వనమింతలో పదను దీసీనా
(॥ఇచ్చ॥)
ఏఁటికి విభుఁడు రాఁడొ యింటనట్టేవుండనీ
మాటలైనా నాడి రారె మగువలాల
తాఁట తూఁటలూనేల తావచ్చినట్టే వత్తము
పాటించిన నావలపు పండి పొల్లవొయ్యీనా
(॥ఇచ్చ॥)
సొగిసి యెంతపరాకో జూజాలట్టే ఆడీని
మొగమైనాఁ జూచి రారె ముదితలాల
యెగసక్కేలిఁకనేల యేకమౌదమీతనితో
నగఁగానే సరసాలు నాని విరిసీనా
(॥ఇచ్చ॥)
కాయమెంత యలసెనో కడుదప్పిదేరనీ
చేయెత్తి మొక్కెయిన రారె చెలియలాల
యీయెడ శ్రీవేంకటేశుఁడేతెంచి తా నన్నుఁగూడె
కోయరాని కోరికలు కొలఁదినుండీనా
(||pallavi||)
ichchagamulāḍare yiṁtulāla
pachchijavvanamiṁtalo padanu dīsīnā
(||ichcha||)
em̐ṭigi vibhum̐ḍu rām̐ḍŏ yiṁṭanaṭṭevuṁḍanī
māḍalainā nāḍi rārĕ maguvalāla
tām̐ṭa tūm̐ṭalūnela tāvachchinaṭṭe vattamu
pāḍiṁchina nāvalabu paṁḍi pŏllavŏyyīnā
(||ichcha||)
sŏgisi yĕṁtabarāgo jūjālaṭṭe āḍīni
mŏgamainām̐ jūsi rārĕ mudidalāla
yĕgasakkelim̐kanela yegamaudamīdanido
nagam̐gāne sarasālu nāni virisīnā
(||ichcha||)
kāyamĕṁta yalasĕno kaḍudappideranī
seyĕtti mŏkkĕyina rārĕ sĕliyalāla
yīyĕḍa śhrīveṁkaḍeśhum̐ḍedĕṁchi tā nannum̐gūḍĕ
koyarāni korigalu kŏlam̐dinuṁḍīnā