ఇచ్చకపు మాటాలా యేతులాఁడా కడు
(॥పల్లవి॥)
ఇచ్చకపు మాటాలా యేతులాఁడా కడు
పచ్చిదేరే మేనెల్లఁ బట్టకు నన్నింకనూ
(॥ఇచ్చ॥)
దండగాఁగ మెడఁగుచ్చి తగిలించుకొంటివి
అండనుండే వారు చాల కాపె నొకతె
వెండియు నంతటఁ బోక వేగునంతకు నాడనే
పండి వచ్చితివి చాలు పట్టకు నన్నింకను
(॥ఇచ్చ॥)
పొద్దు వొద్దునకు తలఁబూజించుకొంటివి
వద్దనక యాకెమీఁది వాఁడుఁబువ్వులూ
ముద్దు సేసి యాకె తావి ముక్కు వాయ నియ్యనీ
పద్దుల మాటలె చాలు పట్టకు నన్నింకను
(॥ఇచ్చ॥)
చిందనీక యాకె మేని చిఱుఁజెమ టెల్లను
పొందుగ నామీఁదం దెచ్చి వూసినాఁడవూ
కందుఁగాక మేని వేంకటగిరి విభుఁడ నీ
పందెపుఁ గూటమే చాలు పట్టకు నన్నింకను
(||pallavi||)
ichchagabu māḍālā yedulām̐ḍā kaḍu
pachchidere menĕllam̐ baṭṭagu nanniṁkanū
(||ichcha||)
daṁḍagām̐ga mĕḍam̐guchchi tagiliṁchugŏṁṭivi
aṁḍanuṁḍe vāru sāla kābĕ nŏgadĕ
vĕṁḍiyu naṁtaḍam̐ boga vegunaṁtagu nāḍane
paṁḍi vachchidivi sālu paṭṭagu nanniṁkanu
(||ichcha||)
pŏddu vŏddunagu talam̐būjiṁchugŏṁṭivi
vaddanaga yāgĕmīm̐di vām̐ḍum̐buvvulū
muddu sesi yāgĕ tāvi mukku vāya niyyanī
paddula māḍalĕ sālu paṭṭagu nanniṁkanu
(||ichcha||)
siṁdanīga yāgĕ meni siṟum̐jĕma ṭĕllanu
pŏṁduga nāmīm̐daṁ dĕchchi vūsinām̐ḍavū
kaṁdum̐gāga meni veṁkaḍagiri vibhum̐ḍa nī
paṁdĕbum̐ gūḍame sālu paṭṭagu nanniṁkanu