(॥పల్లవి॥)
హీనాధికము లింక నేడ నున్నవో కాని
ఆనిన దాస్యము పొత్తు అందరికి నొకటే
(॥హీనా॥)
నానావర్ణములవారు నరహరిఁ దలఁచేటి-
ఆనామమంత్రజప మది యొకటే
పూని యాతనిఁ గొలిచి భువి నేజాతైనాను
మోనమునఁ బొందేటిమోక్షమూ నొకటే
(॥హీనా॥)
వెనకకు ముందరికి విష్ణుకింకరులకెల్ల
పనివడి కైకొనేటి భక్తి యొక్కటే
వునికి నాదేవుఁడు వొకఁడే అంతర్యామి
మనెడి వైష్ణవకుల మతమెల్లా నొకటే
(॥హీనా॥)
భేదాభేదము లేదు పెక్కు మరఁగులు లేవు
ఆదినంత్యములను ముక్తాత్మ లొక్కటే
శ్రీదేవుఁడై నట్టి శ్రీవేంకటేశ్వరుని-
యాదరానఁ బొందు శరణాగతియు నొకటే
(||pallavi||)
hīnādhigamu liṁka neḍa nunnavo kāni
ānina dāsyamu pŏttu aṁdarigi nŏgaḍe
(||hīnā||)
nānāvarṇamulavāru naraharim̐ dalam̐seḍi-
ānāmamaṁtrajaba madi yŏgaḍe
pūni yādanim̐ gŏlisi bhuvi nejādainānu
monamunam̐ bŏṁdeḍimokṣhamū nŏgaḍe
(||hīnā||)
vĕnagagu muṁdarigi viṣhṇugiṁkarulagĕlla
panivaḍi kaigŏneḍi bhakti yŏkkaḍe
vunigi nādevum̐ḍu vŏgam̐ḍe aṁtaryāmi
manĕḍi vaiṣhṇavagula madamĕllā nŏgaḍe
(||hīnā||)
bhedābhedamu ledu pĕkku maram̐gulu levu
ādinaṁtyamulanu muktātma lŏkkaḍe
śhrīdevum̐ḍai naṭṭi śhrīveṁkaḍeśhvaruni-
yādarānam̐ bŏṁdu śharaṇāgadiyu nŏgaḍe