(॥పల్లవి॥)
హరియే సకలక్రియలై తృప్తి యిచ్చుఁగాక
యెరవులవారి చేఁతలెందాఁకా వచ్చీని
(॥హరి॥)
నరులకు నరులే పరలోకక్రియలు
సిరిమోహాచారాలఁ జేతురు గాక
తరుపాషాణపశుతతుల కెవ్వరు సేసే-
రరయఁగ భ్రమ గాక అవి పస్తులున్నవా
(॥హరి॥)
కొడుకులుగలవారు కోరి పితృముఖమున
కుడుపులు దమవారిఁ గూర్చి పెట్టఁగా
అడరి శ్రీహరియే అన్నియుఁ దాఁ జేకొని
తడవి వారిఁ గొంత దయఁజూచుఁ గాక
(॥హరి॥)
తారేడ వారేడ దైవము శ్రీవేంకటేశుఁ-
డారయ నంతరాత్ముఁ డని తెలిసి
ధారతో యాతనియాజ్ఞఁ దప్ప కాదివసాన
చేరువఁ జేసేవెల్లాఁ జేయుఁడీ యాతనికి
(||pallavi||)
hariye sagalakriyalai tṛpti yichchum̐gāga
yĕravulavāri sem̐talĕṁdām̐kā vachchīni
(||hari||)
narulagu narule paralogakriyalu
sirimohāsārālam̐ jeduru gāga
tarubāṣhāṇabaśhudadula kĕvvaru sese-
rarayam̐ga bhrama gāga avi pastulunnavā
(||hari||)
kŏḍugulugalavāru kori pitṛmukhamuna
kuḍubulu damavārim̐ gūrsi pĕṭṭam̐gā
aḍari śhrīhariye anniyum̐ dām̐ jegŏni
taḍavi vārim̐ gŏṁta dayam̐jūsum̐ gāga
(||hari||)
tāreḍa vāreḍa daivamu śhrīveṁkaḍeśhum̐-
ḍāraya naṁtarātmum̐ ḍani tĕlisi
dhārado yādaniyājñam̐ dappa kādivasāna
seruvam̐ jesevĕllām̐ jeyum̐ḍī yādanigi