ye hariyālī aur ye rāstā -2
in rāhoṅ par terā-merā jīvan bhar kā vāstā
ye hariyālī aur …
phūlā-phalā hai prīt kā aṇgnā
gātī hūṇ tere pyār kī rachnā
dil kī ye bāteṅ dil meṅ na rakhnā
kah do jo kahnā hai o more sajnā
ye hariyālī aur …
tum rahte ho mere man meṅ aise
jaise ujālā chāṇd ke tan meṅ
jaise khuśhbū phūl chaman meṅ
jaise ṭhaṅḍak mast pavan meṅ
ye hariyālī aur …
āg ulfat kī dil meṅ lagī hai
dhīre-dhīre baṛhtī rahī hai
pyāsī koyliyā jaltī rahī hai
jal-jal ke tumse kah rahī hai
ye hariyālī aur …
