హరివల్ల కడమలే దంతనంత నున్నవాఁడు
(॥పల్లవి॥)
హరివల్ల కడమలే దంతనంత నున్నవాఁడు
గరిమఁ గాననివారి కల్ల యింతే సుండీ
(॥హరి॥)
లోనఁ హరిఁ దలచితే లోపలందె పొడచూపు
పూని వెలిఁ దలచితే భూమినల్లాఁ బొడచూపు
తానే యిందరిలోన దైవమయి వున్నవాఁడు
కానకవుండినవారికల్ల యింతే సుండీ
(॥హరి॥)
పట్టి విచారించుకొంటేఁ బ్రాణముతోఁ బొడచూపు
జట్టిఁదనదండనల్లా సంసారమై చూపు
పట్టపగలై వున్నాఁడు బాయట నెందు చూచిన
గట్టిగా గాననివారికల్ల యింతే సుండీ
(॥హరి॥)
శరణముచొచ్చితేనె చేతిలోనే వున్నవాఁడు
పరమభాగవతులపలుకులో నున్నవాఁడు
యిరవుగ శ్రీవేంకటేశుఁడెదుటనే వున్నాఁ డతని-
కరుణ గాననివారికల్ల యింతే సుండీ
(||pallavi||)
harivalla kaḍamale daṁtanaṁta nunnavām̐ḍu
garimam̐ gānanivāri kalla yiṁte suṁḍī
(||hari||)
lonam̐ harim̐ dalaside lobalaṁdĕ pŏḍasūbu
pūni vĕlim̐ dalaside bhūminallām̐ bŏḍasūbu
tāne yiṁdarilona daivamayi vunnavām̐ḍu
kānagavuṁḍinavārigalla yiṁte suṁḍī
(||hari||)
paṭṭi visāriṁchugŏṁṭem̐ brāṇamudom̐ bŏḍasūbu
jaṭṭim̐danadaṁḍanallā saṁsāramai sūbu
paṭṭabagalai vunnām̐ḍu bāyaḍa nĕṁdu sūsina
gaṭṭigā gānanivārigalla yiṁte suṁḍī
(||hari||)
śharaṇamusŏchchidenĕ sedilone vunnavām̐ḍu
paramabhāgavadulabalugulo nunnavām̐ḍu
yiravuga śhrīveṁkaḍeśhum̐ḍĕduḍane vunnām̐ ḍadani-
karuṇa gānanivārigalla yiṁte suṁḍī