హరివారమైతిమి మమ్మవుఁ గాదనఁగరాదు
(॥పల్లవి॥)
హరివారమైతిమి మమ్మవుఁ గాదనఁగరాదు
తరముగా దిఁకను మాతప్పులు లోఁ గొనరో
(॥హరి॥)
వెన్నడించి సూడువట్టే విష్ణుమాయ నీకు నేము
యిన్నిటాఁ బంతమిచ్చేము యింకఁ గావరో
నన్నల వెట్టిగొనేటి సంసారబంధము నీకు
మున్నె కిందుపడితిమి ముంచి దయఁజూడవో
(॥హరి॥)
ఆడించేటి కామక్రోధాది జూజరులాల
వోడితిమి మీకుఁ దొల్లె వొరయకురో
వీడని కర్మము నీకు వెఱచి పూరి గఱచే-
మీడనే ధర్మదార మా కిఁకనైనాఁ బట్టవో
(॥హరి॥)
దక్కఁగొన్న మాలోని తనుభోగములాల
మొక్కితిమి మాకుఁ గొంత మొగమోడరో
యెక్కువ శ్రీవేంకటేశు డేలే మాజన్మములాల
గక్కన వేఁడుకొంటిమి కపటాలు మానరో
(||pallavi||)
harivāramaidimi mammavum̐ gādanam̐garādu
taramugā dim̐kanu mādappulu lom̐ gŏnaro
(||hari||)
vĕnnaḍiṁchi sūḍuvaṭṭe viṣhṇumāya nīgu nemu
yinniḍām̐ baṁtamichchemu yiṁkam̐ gāvaro
nannala vĕṭṭigŏneḍi saṁsārabaṁdhamu nīgu
munnĕ kiṁdubaḍidimi muṁchi dayam̐jūḍavo
(||hari||)
āḍiṁcheḍi kāmakrodhādi jūjarulāla
voḍidimi mīgum̐ dŏllĕ vŏrayaguro
vīḍani karmamu nīgu vĕṟasi pūri gaṟase-
mīḍane dharmadāra mā kim̐kanainām̐ baṭṭavo
(||hari||)
dakkam̐gŏnna māloni tanubhogamulāla
mŏkkidimi māgum̐ gŏṁta mŏgamoḍaro
yĕkkuva śhrīveṁkaḍeśhu ḍele mājanmamulāla
gakkana vem̐ḍugŏṁṭimi kabaḍālu mānaro