(॥పల్లవి॥)
హరిశరణాగతి యాతుమది
సరుస నిదియ పో సతమయ్యెడిది
(॥హరి॥)
దినదినరుచులివి దేహమువి
చెనకేటికోరిక చిత్తముది
యెనసేటికాంతలు యింద్రియంబులవి
పనివి యాత్మకివి పనిలేదయ్యా
(॥హరి॥)
పదరేటికోపము పావముది
అదనఁ గాలములు అనాదివి
నిదుర తమోగుణ నిలయముది
యెదుట నాత్మకివి యెరవెరవయ్యా
(॥హరి॥)
కాయపు జననము కర్మముది
మాయలంపటము మమతలది
యేయెడ శ్రీవేంకటేశుఁ డితనికృప
పాయనియాత్మకుఁ బ్రమాణమయ్యా
(||pallavi||)
hariśharaṇāgadi yādumadi
sarusa nidiya po sadamayyĕḍidi
(||hari||)
dinadinarusulivi dehamuvi
sĕnageḍigoriga sittamudi
yĕnaseḍigāṁtalu yiṁdriyaṁbulavi
panivi yātmagivi paniledayyā
(||hari||)
padareḍigobamu pāvamudi
adanam̐ gālamulu anādivi
nidura tamoguṇa nilayamudi
yĕduḍa nātmagivi yĕravĕravayyā
(||hari||)
kāyabu jananamu karmamudi
māyalaṁpaḍamu mamadaladi
yeyĕḍa śhrīveṁkaḍeśhum̐ ḍidanikṛpa
pāyaniyātmagum̐ bramāṇamayyā