(॥పల్లవి॥)
హరినెఱఁగని పుణ్య మంటేరు గాన
దురితాలే దురితాలే దురితాలే సుండీ
(॥హరి॥)
దొడ్డపుణ్యములు సేసి తుదలేనిసంపదలు
అడ్డగించుకొని రాసులగుగురుతు
జడ్డులేనిహారికధ చవిలేకుండిన నిట్టే
గొడ్డేరే గొడ్డేరే గొడ్డేరే సుండీ
(॥హరి॥)
వలేనని మేలేల్ల వడిఁజేసి కైవల్య-
మలమి చేతికిలోననగు గురుతు
తలఁపు వైష్ణవభక్తిఁ దగులకుండిన నంతా
అలయికే అలయికే అలయికే సుండీ
(॥హరి॥)
తిరమైన తీర్ధాలు దిరిగి యందరిలోన
ధరఁ బుణ్యఁడవుట యంతకు గురుతు
తిరువేంకటపతిఁ దెలియకుండిన నంతా
విరసాలే విరసాలే విరసాలే సుండీ
(||pallavi||)
harinĕṟam̐gani puṇya maṁṭeru gāna
duridāle duridāle duridāle suṁḍī
(||hari||)
dŏḍḍabuṇyamulu sesi tudalenisaṁpadalu
aḍḍagiṁchugŏni rāsulagugurudu
jaḍḍulenihārigadha savileguṁḍina niṭṭe
gŏḍḍere gŏḍḍere gŏḍḍere suṁḍī
(||hari||)
valenani melella vaḍim̐jesi kaivalya-
malami sedigilonanagu gurudu
talam̐pu vaiṣhṇavabhaktim̐ dagulaguṁḍina naṁtā
alayige alayige alayige suṁḍī
(||hari||)
tiramaina tīrdhālu dirigi yaṁdarilona
dharam̐ buṇyam̐ḍavuḍa yaṁtagu gurudu
tiruveṁkaḍabadim̐ dĕliyaguṁḍina naṁtā
virasāle virasāle virasāle suṁḍī