(॥పల్లవి॥)
హరిఁ గొలిచినఁ గాని ఆపద లణఁగవని
యెరఁగక పొరలితి మిందేమి నిజము
(॥హరి॥)
పుట్టిన దేహమొకటి పొందిన వికారాలఁ
బట్టైన జీవుఁడొకఁడు ప్రాణములేడు
కట్టిడి చిత్తమొకటి కరణములైతేఁ బది
యిట్టిదివో మాజన్మ మిందేది నిజము
(॥హరి॥)
మొదలి ప్రకృతొకటి ముంచిన గుణాలు మూఁడు
కదియు మోహ మొకటి కర్మాలు పెక్కు
పొదలుఁగర్మ మొకటి భోగా లనంతములు
యిదివో మా జన్మ మెంచ మిందేది నిజము
(॥హరి॥)
అంతరాత్మ శ్రీ వేంకటాద్రీశుఁ డొక్కఁడే
చింతించ జీవులైతే సేనాసేన
అంతలో నీతని శరణని బ్రతికితిఁగాక
యెంతలేదు మాజన్మ మిందేది నిజము
(||pallavi||)
harim̐ gŏlisinam̐ gāni ābada laṇam̐gavani
yĕram̐gaga pŏralidi miṁdemi nijamu
(||hari||)
puṭṭina dehamŏgaḍi pŏṁdina vigārālam̐
baṭṭaina jīvum̐ḍŏgam̐ḍu prāṇamuleḍu
kaṭṭiḍi sittamŏgaḍi karaṇamulaidem̐ badi
yiṭṭidivo mājanma miṁdedi nijamu
(||hari||)
mŏdali prakṛtŏgaḍi muṁchina guṇālu mūm̐ḍu
kadiyu moha mŏgaḍi karmālu pĕkku
pŏdalum̐garma mŏgaḍi bhogā lanaṁtamulu
yidivo mā janma mĕṁcha miṁdedi nijamu
(||hari||)
aṁtarātma śhrī veṁkaḍādrīśhum̐ ḍŏkkam̐ḍe
siṁtiṁcha jīvulaide senāsena
aṁtalo nīdani śharaṇani bradigidim̐gāga
yĕṁtaledu mājanma miṁdedi nijamu