(॥పల్లవి॥)
హరికృష్ణ మేలుకొను ఆదిపురుషా
తరవాత నా మోము తప్పకిటు చూడు
(॥హరి॥)
మేలుకొను నాయన్న మెల్లనే నీ తోడి
బాలులదె పిలిచేరు బడి నాడను
చాలునిఁక నిద్దురలు చద్దికూళ్ళపొద్దు-
వేళాయ నాతండ్రి వేగ లేవే
(॥హరి॥)
కనుదెరవు నా తండ్రి కమలాప్తుఁ డుదయించె
వనిత మొకమజ్జనము వడిఁ దెచ్చెను
మొనసి మీ తండ్రి యిదె ముద్దాడఁ జెలఁగీని
దనుజాంతకుండ యిఁకఁ దగ మేలుకోవే
(॥హరి॥)
లేవె నా తండ్రి నీ లీలలటు వొగడేరు
శ్రీవేంకటాద్రిపతి శ్రీరమణుఁడా
దేవతలు మునులుఁ జెందిన నారదాదులు
ఆవలనుఁ బాడేరు ఆకసమునందు
(||pallavi||)
harikṛṣhṇa melugŏnu ādiburuṣhā
taravāda nā momu tappagiḍu sūḍu
(||hari||)
melugŏnu nāyanna mĕllane nī toḍi
bāluladĕ piliseru baḍi nāḍanu
sālunim̐ka nidduralu saddigūḽḽabŏddu-
veḽāya nādaṁḍri vega leve
(||hari||)
kanudĕravu nā taṁḍri kamalāptum̐ ḍudayiṁchĕ
vanida mŏgamajjanamu vaḍim̐ dĕchchĕnu
mŏnasi mī taṁḍri yidĕ muddāḍam̐ jĕlam̐gīni
danujāṁtaguṁḍa yim̐kam̐ daga melugove
(||hari||)
levĕ nā taṁḍri nī līlalaḍu vŏgaḍeru
śhrīveṁkaḍādribadi śhrīramaṇum̐ḍā
devadalu munulum̐ jĕṁdina nāradādulu
āvalanum̐ bāḍeru āgasamunaṁdu