(॥పల్లవి॥)
హరిహరియని వెరగందుటఁ గాక
సిరివర మాకు బుద్ధి చెప్పఁగదవయ్యా
(॥హరి॥)
పాపపుకొంపలో వారు పంచమహాపాతకులు
కాపులకు పదుగురు కర్త లందుకు
తాపి కాండ్లారుగురు ధర్మాసనమువారు
చాపలమే పనులెట్టు జరగీనయ్యా
(॥హరి॥)
పలుకంతల చేను బండ వెవసాయము
బలిమిఁ దొక్కీఁ గుంటిపసురము
తలవరులు ముగురు తగువాదు లేఁబైయారు
సొలసి ఆనాజ్ఞ కిదుఁ జోటేదయ్యా
(॥హరి॥)
బూతాల పొంగటికే పొడమిన పంటలెల్లా
కోఁతవేఁత చూచుకొని కోరు కొటారు
యీతల శ్రీవేంకటేశ యిన్ని విచారించి నీ-
చేఁతే నిలిపితి విఁకఁ జెప్పేదేఁటిదయ్యా
(||pallavi||)
harihariyani vĕragaṁduḍam̐ gāga
sirivara māgu buddhi sĕppam̐gadavayyā
(||hari||)
pābabugŏṁpalo vāru paṁchamahābādagulu
kābulagu paduguru karda laṁdugu
tābi kāṁḍlāruguru dharmāsanamuvāru
sābalame panulĕṭṭu jaragīnayyā
(||hari||)
palugaṁtala senu baṁḍa vĕvasāyamu
balimim̐ dŏkkīm̐ guṁṭibasuramu
talavarulu muguru taguvādu lem̐baiyāru
sŏlasi ānājña kidum̐ joḍedayyā
(||hari||)
būdāla pŏṁgaḍige pŏḍamina paṁṭalĕllā
kom̐tavem̐ta sūsugŏni koru kŏḍāru
yīdala śhrīveṁkaḍeśha yinni visāriṁchi nī-
sem̐te nilibidi vim̐kam̐ jĕppedem̐ṭidayyā