హరిహరి నిను సకలాంతర్యామివి(ని?) ఆత్మఁ దలఁచుటే యోగంబు
(॥పల్లవి॥)
హరిహరి నిను సకలాంతర్యామివి(ని?) ఆత్మఁ దలఁచుటే యోగంబు
శరణాగతరక్షామణి నిన్నే శరణనియెడిదే తుదిపదము
(॥హరి॥)
నీయందే యీసచరాచరమును నీవే చరాచరమందు నిత్యమును
పాయక వుండుట గని తలపోయుట పరమార్థంబుల సారంబు
కాయము జీవుఁడు నీయధీనమై కలుగఁగఁ బ్రకృతియుఁ బురుషునిఁగానిటు
మాయల ముంతువు మాయకుఁ జొరవని మతిఁ దలపోయుట సుజ్ఞానంబు
(॥హరి॥)
తనలోఁ బరతత్వపు నీవును తా నీపరతత్వములోపలఁగా
మనసునఁ దలఁచుట వేదాంతంబుల మంతనముల సన్మార్గంబు
ఘనమునకును మరి ఘనమై యందే కడుసూక్ష్మమునకుఁ గడు సూక్ష్మంబై
యెనసిన పూసలలోదార మవని యెన్నుటె పరమరహస్యంబు
(॥హరి॥)
ఆతుమలోపల ఘనవైకుంఠము ఆతుము నీ వైకుంఠములోపల
యీతల నాతల సరిగాఁదెలియుట యిదియే బ్రహ్మానందంబు
శ్రీతరుణీశ శ్రీవేంకటపతి సేవారతి నిను నీ భజియించెద
దాతపు దైవమవై ననుఁగావుము తలఁచెద మిదియే తత్వంబు
(||pallavi||)
harihari ninu sagalāṁtaryāmivi(ni?) ātmam̐ dalam̐suḍe yogaṁbu
śharaṇāgadarakṣhāmaṇi ninne śharaṇaniyĕḍide tudibadamu
(||hari||)
nīyaṁde yīsasarāsaramunu nīve sarāsaramaṁdu nityamunu
pāyaga vuṁḍuḍa gani talaboyuḍa paramārdhaṁbula sāraṁbu
kāyamu jīvum̐ḍu nīyadhīnamai kalugam̐gam̐ brakṛtiyum̐ buruṣhunim̐gāniḍu
māyala muṁtuvu māyagum̐ jŏravani madim̐ dalaboyuḍa sujñānaṁbu
(||hari||)
tanalom̐ baradatvabu nīvunu tā nībaradatvamulobalam̐gā
manasunam̐ dalam̐suḍa vedāṁtaṁbula maṁtanamula sanmārgaṁbu
ghanamunagunu mari ghanamai yaṁde kaḍusūkṣhmamunagum̐ gaḍu sūkṣhmaṁbai
yĕnasina pūsalalodāra mavani yĕnnuḍĕ paramarahasyaṁbu
(||hari||)
ādumalobala ghanavaiguṁṭhamu ādumu nī vaiguṁṭhamulobala
yīdala nādala sarigām̐dĕliyuḍa yidiye brahmānaṁdaṁbu
śhrīdaruṇīśha śhrīveṁkaḍabadi sevāradi ninu nī bhajiyiṁchĕda
dādabu daivamavai nanum̐gāvumu talam̐sĕda midiye tatvaṁbu