హరికి మొరవెట్టితె అన్నిపనులు లెస్సవును
(॥పల్లవి॥)
హరికి మొరవెట్టితె అన్నిపనులు లెస్సవును
సరవి నెన్నాళ్లని జాలిఁ బడవచ్చును
(॥హరి॥)
యేమిసేయేనీజీవుఁ డీయరివర్గాలతోడ
బూమెల నెన్నాళ్లని పోరాడీని
చూమరలఁ జూడఁ జూడఁ జుట్టాలవలనె వుండి
దోమటిపంచేంద్రియాలు దోడుగాకపోయను
(॥హరి॥)
యెక్కడచొచ్చీజీవుఁడీ కర్మపురుణములు
పెక్కు విధములఁ బిరువీకు సేయఁగా
వొక్కొక్కనాఁటివడ్డె వొదిగీఁగాని తల
తిక్కగొన్న పాపములు దీరకెపోయను
(॥హరి॥)
యెవ్వరుదిక్కీ జీవుని కెంతని యీఁదఁగలఁడు
యివ్వల సంసార మనె యీవారిధి
నవ్వుతా శ్రీవెంకటనాథుని మఱఁగుచొచ్చి
యివ్వగఁ దా దరిచేరి యిన్నియు గెలిచెను
(||pallavi||)
harigi mŏravĕṭṭidĕ annibanulu lĕssavunu
saravi nĕnnāḽlani jālim̐ baḍavachchunu
(||hari||)
yemiseyenījīvum̐ ḍīyarivargāladoḍa
būmĕla nĕnnāḽlani porāḍīni
sūmaralam̐ jūḍam̐ jūḍam̐ juṭṭālavalanĕ vuṁḍi
domaḍibaṁcheṁdriyālu doḍugāgaboyanu
(||hari||)
yĕkkaḍasŏchchījīvum̐ḍī karmaburuṇamulu
pĕkku vidhamulam̐ biruvīgu seyam̐gā
vŏkkŏkkanām̐ṭivaḍḍĕ vŏdigīm̐gāni tala
tikkagŏnna pābamulu dīragĕboyanu
(||hari||)
yĕvvarudikkī jīvuni kĕṁtani yīm̐dam̐galam̐ḍu
yivvala saṁsāra manĕ yīvāridhi
navvudā śhrīvĕṁkaḍanāthuni maṟam̐gusŏchchi
yivvagam̐ dā dariseri yinniyu gĕlisĕnu