హరికి లంకిణీహంత కంతర మిట్టున్నది
(॥పల్లవి॥)
హరికి లంకిణీహంత కంతర మిట్టున్నది
కరుణ నింత మన్నించె కమలావిభుఁడు
(॥హరి॥)
విశ్వరూపు చూపినాడు విష్ణుఁడు దొల్లి యట్టె
విశ్వరూపాంజనేయుఁడు వీఁడె చూపెను
శాశ్వతుఁడై యున్నవాఁడు సర్వేశ్వరుఁడు వీఁడే
శాశ్వతుఁడై యున్నవాఁడు జగములో నీతఁడు
(॥హరి॥)
ప్రాణవాయుసంబంధి పరమాత్మఁడు అట్టె
ప్రాణవాయుసుతుఁడు పవనజుఁడు
రాణింప రవివంశుఁడు రామచంద్రుడు తాను
నాణెపు రవిసుతుని నమ్మిన ప్రధాని
(॥హరి॥)
దేవహితార్థముసేసఁ ద్రివిక్రముఁడు అట్టె
దేవహితార్థమే జలధిలంఘనుఁడు
శ్రీవేంకటేశుఁడు చిన్మయమూర్తి తాను
కోవిదుఁడు జ్ఞానమూర్తి గొప్పహనుమంతుఁడు
(||pallavi||)
harigi laṁkiṇīhaṁta kaṁtara miṭṭunnadi
karuṇa niṁta manniṁchĕ kamalāvibhum̐ḍu
(||hari||)
viśhvarūbu sūbināḍu viṣhṇum̐ḍu dŏlli yaṭṭĕ
viśhvarūbāṁjaneyum̐ḍu vīm̐ḍĕ sūbĕnu
śhāśhvadum̐ḍai yunnavām̐ḍu sarveśhvarum̐ḍu vīm̐ḍe
śhāśhvadum̐ḍai yunnavām̐ḍu jagamulo nīdam̐ḍu
(||hari||)
prāṇavāyusaṁbaṁdhi paramātmam̐ḍu aṭṭĕ
prāṇavāyusudum̐ḍu pavanajum̐ḍu
rāṇiṁpa ravivaṁśhum̐ḍu rāmasaṁdruḍu tānu
nāṇĕbu ravisuduni nammina pradhāni
(||hari||)
devahidārdhamusesam̐ drivikramum̐ḍu aṭṭĕ
devahidārdhame jaladhilaṁghanum̐ḍu
śhrīveṁkaḍeśhum̐ḍu sinmayamūrdi tānu
kovidum̐ḍu jñānamūrdi gŏppahanumaṁtum̐ḍu