హరిదాసులే మాకు నడ్డమై కాతురు గాక
(॥పల్లవి॥)
హరిదాసులే మాకు నడ్డమై కాతురు గాక
శరణంటి వారికి నే సకలోపాయములు
(॥హరి॥)
పెరుగఁబెరుఁగఁగానే పెద్దలాయ నింద్రియాలు
యిరవైనమాబుద్ధు లిందుగొల్పీనా
తిరిగితిరిగి మాకు ద్రిష్టమాయ జన్మములు
దురితాలుఁ బుణ్యాలుఁ దోసేమా యిఁకను
(॥హరి॥)
కూడఁగూడ నానాఁటఁ గొనకెక్కెఁ గోరికలు
వీడనిబంధము లన్నీ విడిచీనా
పాడితో నీడా నాడఁ బ్రాణములుఁ దీపులాయ
యేడనున్ననేము నేమే యెరిఁగేమా యిఁకను
(॥హరి॥)
చింతించఁ జింతించఁ జేతికి వచ్చె మనసు
అంతలో శ్రీవేంకటేశుఁ డంది కాచెను
దొంతులై తిరుమంత్రము తోడనే నాలుక నంటె
మంతనాన గురుసేవ మరచేమా యిఁకను
(||pallavi||)
haridāsule māgu naḍḍamai kāduru gāga
śharaṇaṁṭi vārigi ne sagalobāyamulu
(||hari||)
pĕrugam̐bĕrum̐gam̐gāne pĕddalāya niṁdriyālu
yiravainamābuddhu liṁdugŏlbīnā
tirigidirigi māgu driṣhṭamāya janmamulu
duridālum̐ buṇyālum̐ dosemā yim̐kanu
(||hari||)
kūḍam̐gūḍa nānām̐ṭam̐ gŏnagĕkkĕm̐ gorigalu
vīḍanibaṁdhamu lannī viḍisīnā
pāḍido nīḍā nāḍam̐ brāṇamulum̐ dībulāya
yeḍanunnanemu neme yĕrim̐gemā yim̐kanu
(||hari||)
siṁtiṁcham̐ jiṁtiṁcham̐ jedigi vachchĕ manasu
aṁtalo śhrīveṁkaḍeśhum̐ ḍaṁdi kāsĕnu
dŏṁtulai tirumaṁtramu toḍane nāluga naṁṭĕ
maṁtanāna guruseva marasemā yim̐kanu