(॥పల్లవి॥)
హరి నీయనుమతో అది నాకర్మమో
పరమే యిహమై భ్రమయించీని
(॥హరి॥)
కలుగుదు శాంతము కటకట బుద్ధికి
చలమున నింతాఁ జదివినను
నిలువదు చిత్తము నీపై చింతకు
పలుసంపదలను బరగినను
(॥హరి॥)
తగులదు వైరాగ్యధన మాత్మకును
వొగి నుపవాసము లుండినను
అగపడదు ముక్తి అసలనాసల
జగమింతా సంచరించినను
(॥హరి॥)
విడువదు జన్మము వివేకముననే
జడిసి స్వతంత్రము జరపినను
యెడయక శ్రీవేంకటేశ్వర నీవే
బడిఁగాచితి విదె బ్రదికితి నేను
(||pallavi||)
hari nīyanumado adi nāgarmamo
parame yihamai bhramayiṁchīni
(||hari||)
kalugudu śhāṁtamu kaḍagaḍa buddhigi
salamuna niṁtām̐ jadivinanu
niluvadu sittamu nībai siṁtagu
palusaṁpadalanu baraginanu
(||hari||)
taguladu vairāgyadhana mātmagunu
vŏgi nubavāsamu luṁḍinanu
agabaḍadu mukti asalanāsala
jagamiṁtā saṁchariṁchinanu
(||hari||)
viḍuvadu janmamu vivegamunane
jaḍisi svadaṁtramu jarabinanu
yĕḍayaga śhrīveṁkaḍeśhvara nīve
baḍim̐gāsidi vidĕ bradigidi nenu