(॥పల్లవి॥)
హరి నీవు లేవా అన్నిచోట్లను తొల్లి
అరయ నీ దాసులే యరు దింతేకాక
(॥హరి॥)
కంటిమినీదాసులను కన్నులపండుగగాను
కొంటిమి పాదతీర్థము కొల్లలుగాను
వింటిమి నీనామములను వీనులపండుగగాను
అంటిన మోక్షముత్రోవ అడుగనేమిటికి
(॥హరి॥)
నుతించి మాటాడితిమి నోరార నీదాసులను
మతిఁజొక్కితిమి దాస్యమహిమచేత
మతిగంటిమి వారిసంగతి కూటములవల్ల
వెతకి విజ్ఞానము వేఁడనేమిటికి
(॥హరి॥)
మొక్కితిఁ జాగిల నీమోహపు దాసులకును
యెక్కితిఁ బరమపదమిహమందునే
తక్కక మన్నించిరి నీదాసులె నన్నన్నిటాను
గక్కన శ్రీవేంకటేశ కడమ లేమిటికి
(||pallavi||)
hari nīvu levā annisoṭlanu tŏlli
araya nī dāsule yaru diṁtegāga
(||hari||)
kaṁṭiminīdāsulanu kannulabaṁḍugagānu
kŏṁṭimi pādadīrdhamu kŏllalugānu
viṁṭimi nīnāmamulanu vīnulabaṁḍugagānu
aṁṭina mokṣhamutrova aḍuganemiḍigi
(||hari||)
nudiṁchi māḍāḍidimi norāra nīdāsulanu
madim̐jŏkkidimi dāsyamahimaseda
madigaṁṭimi vārisaṁgadi kūḍamulavalla
vĕdagi vijñānamu vem̐ḍanemiḍigi
(||hari||)
mŏkkidim̐ jāgila nīmohabu dāsulagunu
yĕkkidim̐ baramabadamihamaṁdune
takkaga manniṁchiri nīdāsulĕ nannanniḍānu
gakkana śhrīveṁkaḍeśha kaḍama lemiḍigi