(॥పల్లవి॥)
హరి నీకే శరణని గెలుచుట గాక
యిరవుగ నెరఁగఁగ నెవ్వరి తరము
(॥హరి॥)
తను వికారములు తరవులు వెట్టిన
కొనయెరుకైనా కొరతవడు
మనసు వికారము మమతలఁ దగిలిన
యెనసి యెదురుపడ నెవ్వరి తరము
(॥హరి॥)
కంతు వికారము కన్నులఁగప్పిన
పంతపు విరతియు బయలౌను
చింతాలహరులు చీఁదర రేఁగిన
యింతయు వీడ్కొన వెవ్వరితరము
(॥హరి॥)
అతిగుణవికార మాసలఁ బెట్టిన
సతతయోగములు జడనుపడు
మతి శ్రీ వేంకటపతి నిన్నుఁ గొలిచిన
యితరము దగ్గర నెవ్వరితరము
(||pallavi||)
hari nīge śharaṇani gĕlusuḍa gāga
yiravuga nĕram̐gam̐ga nĕvvari taramu
(||hari||)
tanu vigāramulu taravulu vĕṭṭina
kŏnayĕrugainā kŏradavaḍu
manasu vigāramu mamadalam̐ dagilina
yĕnasi yĕdurubaḍa nĕvvari taramu
(||hari||)
kaṁtu vigāramu kannulam̐gappina
paṁtabu viradiyu bayalaunu
siṁtālaharulu sīm̐dara rem̐gina
yiṁtayu vīḍkŏna vĕvvaridaramu
(||hari||)
adiguṇavigāra māsalam̐ bĕṭṭina
sadatayogamulu jaḍanubaḍu
madi śhrī veṁkaḍabadi ninnum̐ gŏlisina
yidaramu daggara nĕvvaridaramu