హరి నే నిన్నిందులకుఁ గా దర్చించి కోరెడిది
(॥పల్లవి॥)
హరి నే నిన్నిందులకుఁ గా దర్చించి కోరెడిది
గరిమల నాయంతరంగమున నినుఁ గానఁగ నడిగెదను
(॥హరి॥)
మునుపే యీజగమెల్లా నీవు మెలవఁగ బెట్టినది
వెనుకొని నేను నీవాఁడనే యని విన్నవించనేల
నినుపై యీజీవరాసులన్నియు నీరక్షణలోనివి
కనుఁగొని నన్నునురక్షించుమని మరి కమ్మరఁజెప్పఁగనేల
(॥హరి॥)
యిహమునఁగర్మాధీనంబయి సిరులియ్యఁగ నినునింకా
మహిలో నివి యవి నాకు నిమ్మనుచు మరి యడుఁగనేల
సహజపుఁ దల్లియుఁదండ్రియు బంధులు సంతతి నీవై యుండఁగను
విహితముగా నిను నక్కడ నిక్కడ వెదకఁగ మరి యేల
(॥హరి॥)
శ్రీవేంకటపతి వరము లొసంగుచు చేరువ నీవై యుండఁగను
ఆవల నీవల నితరదేవతల యాసలఁ బడనేల
దైవశిఖామణి వాదిమూరితివి తగిన స్వతంత్రుఁడవు
యేవిధులు నేనెఱఁగను నీవే యింతాఁ జుమ్మీదాఁచఁగనేల
(||pallavi||)
hari ne ninniṁdulagum̐ gā darsiṁchi korĕḍidi
garimala nāyaṁtaraṁgamuna ninum̐ gānam̐ga naḍigĕdanu
(||hari||)
munube yījagamĕllā nīvu mĕlavam̐ga bĕṭṭinadi
vĕnugŏni nenu nīvām̐ḍane yani vinnaviṁchanela
ninubai yījīvarāsulanniyu nīrakṣhaṇalonivi
kanum̐gŏni nannunurakṣhiṁchumani mari kammaram̐jĕppam̐ganela
(||hari||)
yihamunam̐garmādhīnaṁbayi siruliyyam̐ga ninuniṁkā
mahilo nivi yavi nāgu nimmanusu mari yaḍum̐ganela
sahajabum̐ dalliyum̐daṁḍriyu baṁdhulu saṁtadi nīvai yuṁḍam̐ganu
vihidamugā ninu nakkaḍa nikkaḍa vĕdagam̐ga mari yela
(||hari||)
śhrīveṁkaḍabadi varamu lŏsaṁgusu seruva nīvai yuṁḍam̐ganu
āvala nīvala nidaradevadala yāsalam̐ baḍanela
daivaśhikhāmaṇi vādimūridivi tagina svadaṁtrum̐ḍavu
yevidhulu nenĕṟam̐ganu nīve yiṁtām̐ jummīdām̐sam̐ganela