(॥పల్లవి॥)
హరి నారాయణ కృష్ణ అదివో మావిన్నపము
తరవాతి మాట నీవే తలఁచుకోవయ్యా
(॥హరి॥)
నడిఁబడ్డ తలఁపు చక్కఁగాక వుండినాను
వొడయఁడవు నీకృప వొగిఁ జక్కనే
గుడిగొన్న యేరెంత కొంకరవంకరలైనా
పుడమికి లోఁగొనకపోవునటవయ్యా
(॥హరి॥)
కాయకపు నాభక్తి కడుఁ గొంచమైనాను
ఆయపు నీవరములు అతిఘనమే
యేయెడ గుడి గొంచమయిన గుడిలో దేవుని-
కాయెడ మహిమ ఘనమందురు గదవయ్యా
(॥హరి॥)
శ్రీవేంకటేశ నిన్ను జింతించక నే నుండినా
జీవాంతరాత్ముఁడవై చేకొంటి నీవే
ఆవటించి కీలుబొమ్మ అచేతనమై యుండినా
ఆవేళ సూత్రధారుఁ డాడించుఁ గదవయ్యా
(||pallavi||)
hari nārāyaṇa kṛṣhṇa adivo māvinnabamu
taravādi māḍa nīve talam̐sugovayyā
(||hari||)
naḍim̐baḍḍa talam̐pu sakkam̐gāga vuṁḍinānu
vŏḍayam̐ḍavu nīkṛpa vŏgim̐ jakkane
guḍigŏnna yerĕṁta kŏṁkaravaṁkaralainā
puḍamigi lom̐gŏnagabovunaḍavayyā
(||hari||)
kāyagabu nābhakti kaḍum̐ gŏṁchamainānu
āyabu nīvaramulu adighaname
yeyĕḍa guḍi gŏṁchamayina guḍilo devuni-
kāyĕḍa mahima ghanamaṁduru gadavayyā
(||hari||)
śhrīveṁkaḍeśha ninnu jiṁtiṁchaga ne nuṁḍinā
jīvāṁtarātmum̐ḍavai segŏṁṭi nīve
āvaḍiṁchi kīlubŏmma asedanamai yuṁḍinā
āveḽa sūtradhārum̐ ḍāḍiṁchum̐ gadavayyā