హరి హరి నాబదుకు ఆశ్చర్యమాయ నాకు
(॥పల్లవి॥)
హరి హరి నాబదుకు ఆశ్చర్యమాయ నాకు
శరణంటి నిన్నిటికి సెలవుగా నీకును
(॥హరి॥)
వున్నతి జలధిఁ గల వుప్పెల్లాఁ దింటిఁగాని
యెన్నిక సుజ్ఞానమింతా నేఱఁగనైతి
దిన్నగా భూమి వేరుగ దేహములెత్తితిఁగాని
పన్నిన నాభోగకాంక్షఁ బాయఁగలేనైతిని
(॥హరి॥)
నాలికఁ బేలితిఁ గాని నానాభాషలెల్లా
తాలిమి హరినామము దడవనైతి
నాలిసంసారము బ్రహ్మనాఁటనుండిఁ జేసేఁగాని
మేలిమి మోక్షముతోవ మెలఁగఁగనైతిని
(॥హరి॥)
వూరకే దినదినాల యుగాలు దొబ్బితిఁగాని
నేరిచి వివేకము నిలుపనైతి
మేరతో శ్రీవేంకటేశ మీరే దయఁజూడఁగాను
దారదప్ప కిట్టే మీదాఁసుడ నైతిని
(||pallavi||)
hari hari nābadugu āśhcharyamāya nāgu
śharaṇaṁṭi ninniḍigi sĕlavugā nīgunu
(||hari||)
vunnadi jaladhim̐ gala vuppĕllām̐ diṁṭim̐gāni
yĕnniga sujñānamiṁtā neṟam̐ganaidi
dinnagā bhūmi veruga dehamulĕttidim̐gāni
pannina nābhogagāṁkṣham̐ bāyam̐galenaidini
(||hari||)
nāligam̐ belidim̐ gāni nānābhāṣhalĕllā
tālimi harināmamu daḍavanaidi
nālisaṁsāramu brahmanām̐ṭanuṁḍim̐ jesem̐gāni
melimi mokṣhamudova mĕlam̐gam̐ganaidini
(||hari||)
vūrage dinadināla yugālu dŏbbidim̐gāni
nerisi vivegamu nilubanaidi
merado śhrīveṁkaḍeśha mīre dayam̐jūḍam̐gānu
dāradappa kiṭṭe mīdām̐suḍa naidini